الخط الثالث لمترو الأنفاق يعلن عن تعديلات طارئة على مدة التقاطر غدا

قررت شركة آر إيه تي بي ديف للنقل كايرو، المسؤولة عن إدارة وتشغيل الخط الثالث للمترو، تقليل زمن التقاطر لـ 4:30 من محطة الكيت كات حتى محطة عدلي منصور، وقطار كل 9 دقائق للركاب القادمين من جامعة القاهرة، أو محور روض الفرج لمحطة الكيت كات.

وحسب منشور الشركة على صفحتها الرسمية، تأتي التعديلات في إطار مساعدة جماهير نادي الأهلي خلال المباراة التي يحتضنها ستاد القاهرة الدولي ضد فريق صن داونز الجنوب إفريقي في إياب مباريات دوري أبطال إفريقيا.

وجاء في منشور الشركة: بكره الساعة 7:00 بالليل، هيستضيف ستاد القاهرة المباراة المنتظرة بين الأهلي وماميلودي صن داونز.

وتابعت: عشان نساعد جماهير الكورة في التنقل بسهولة، محطاتنا - خصوصًا محطة الاستاد - هتكون مجهزة بتجهيزات خاصة لضمان رحلة سلسة ومريحة. قبل وبعد الماتش هيكون في قطار كل 4:30 دقيقة من محطة الكيت كات لحد محطة عدلي منصور، وكمان قطار كل 9 دقايق للركاب اللي جايين من جامعة القاهرة أو محور روض الفرج ومتجهين لمحطة الكيت كات.