موقف مهين.. مصلحة الضرائب تحجز على معاش الفنان عبد الرحمن أبو زهرة

كشف الدكتور أحمد أبو زهرة، نجل الفنان القدير عبدالرحمن أبو زهرة عن أن مصلحة الضرائب قامت بالحجز على معاش والده ووقف حسابه البنكى للمرة الثانية.

وكتب أحمد أبو زهرة عبر حسابه الرسمى على «فيسبوك»: 'هل مؤسسات الدولة مش وراها غير عبدالرحمن ابوزهرة بدل ما يتم تكريمه من الدولة، كل فترة يحصل موقف مهين له مع أنه لا هو عاوز حاجة من حد ولا مد ايده لحد ولا طلب أى شيء من أى انسان، كل اللى هو طلبه انه يعيش أيامه الأخيرة فى هدوء وسلام نفسي'.

وأضاف: «المرة دى مصلحة الضرايب بتهينه وتحجز عليه وياريته مثلا عنده أملاك ومليارات فى البنك لا دى بتحجز على معاشه اللى مش بيكمل ربع ثمن الأدوية اللى بياخذها».

واختتم: «تم وقف حسابه البنكى اللى مفيهوش غير المعاش وحينما سألنا عن السبب قيل انه محجوز عليه من الضرايب.. يا سيادة رئيس مصلحة الضرايب ارحموا فنان أفنى أكتر من ستين سنة من عمره فى خدمة هذا الوطن ولم يتأخر طوال حياته فى دفع كل الضرايب بل على العكس من يقول غير ذلك فهو ظالم».