بعد ساعات من بدء تشغيل قطار المونوريل في مصر، أعرب العديد من المواطنين عن سعادتهم وإعجابهم الشديد من هذه التجربة، واعتبروها رحلة ممتعة ليست فقط وسيلة مواصلات، إذ قال أحد المواطنين'يا جماعة ده حوار تاني خالص، تحس إنك راكب طيارة فوق القاهرة مش قطار!'.
وتوالت ردود الفعل على مواقع التواصل الاجتماعي؛ ومن أبرزها: 'منظر الكباري والمدينة من فوق رهيب، ومفيش زحمة، مفيش إشارات، مفيش 'تيك تاك' الساعة اللي بتوتر دي.. ولا صوت كلكسات، هدوء وسرعة ونظافة.. حاجة كدة تشرح القلب '.
ومن جانبه، علق الإعلامي عاصم الشندويلي على هذا الإنجاز المصري، عبر صفحته الشخصية على 'فيس بوك': 'إيه العظمة دي بجد .. حصرياااا شوف الإنجاز.. حصرياااًا من داخل المونوريل في أول رحلة لي مع بداية انطلاق التشغيل الفعلى للمرحلة الأولى .. شوف التفاصيل على أرض الواقع'.
ومن بين ردود الفعل: 'مصر مبتلعبش... أطول خط مونوريل في العالم.. فعلًا نقلة حضارية تخليك تحس إنك في بلد أوروبي.. اللي مجربوش لازم يجربه، تجربة ممتعة ومريحة جدًا'.
فيما نشر أحد المواطنين تجربته داخل قطار المونوريل قائلًا: 'وها قد بدأ بفضل الله اليوم الاربعاء الموافق ٦ مايو ٢٠٢٦ العمل بالفعل بالقطار المعروف اعلاميا باسم (المونوريل).. دى تجربة صور على السريع من داخل القطار وباذن الله احاول اصور لكم فيديو.. بسم الله ماشاء الله حاجه تحفه.. ويارب يامصر من جميل لاجمل.. صباحكم مونوريل'.
وفي السياق ذاته، دعت إحدى قرى محافظة الجيزة، عبر صفحتها على 'فيس بوك' إلى هذه الرحلة معتبرة أنها فرصة لن تتكرر، خاصة وأن وزارة النقل قررت تشغيل 'المونوريل' مجانا لمدة 3 أيام' وجاء في صفحتها: 'بص بقى يا صاحبي، فرصة ما تتعوضش لو نفسك تشوف العاصمة الإدارية من غير ما تدفع جنيه، تم تشغيل المونوريل مجانًا لمدة 3 أيام، الأربعاء والخميس والجمعة، وهتبدأ الرحلة من محطة المشير لحد مدينة العدالة مروراً بـ 16 محطة، مشيرة إلى أن القطارات مكيفة بالكامل ويوجد شاشات عرض.
وتابعت الصفحة: 'أماكن طول عمرنا بنسمع عنها ، بس عمرنا ما شفناها على الطبيعة ، دلوقتي قدامك فرصة تلف وتستكشف وتشوف بعينك كل التفاصيل وإنت راكب المونوريل ودا يعتبر ( أحدث وسيلة مواصلات عالمياً ) تحسها شبه التليفريك ، فلو عندك وقت متفوتش التجربة دي خاصة إن الخميس والجمعة اجازة رسمية، هتلاقى ميكروباصات المشير من أمام جامع الفتح بـرمسيس هتنزلك قدام جامع المشير جربها كخروجة مختلفة'.
تابعوا آخر أهل مصر على Google News
