لازم نشوف حل.. مواطن يروي كواليس هجوم كلب ضال على شقيقه في كمبوند شهير

كشف مواطن يدعى محمد سعودي كواليس هجوم كلب ضال على شقيقه وإصابته في أنحاء متفرقة من جسده في منطقة مدينتي بالقاهرة.

وخلال منشور على صفحته الرسمية بفيس بوك، روى تفاصيل الواقعة قائلا: 'ما هو أكيد لازم حل لمشكلة الكلاب دي.. إمبارح بليل كنت في مدينتي 'Open air mall' الساعه ١٠ أو ١١ بليل، ومعايا عيلتي وأخويا ماشي وسط كل الأطفال والناس الكبيرة والصغيرة وكله يطلع كلب من وسط الـ Gardens قدام Paul بالظبط ويهجم على أخويا ويعضه ويبهدله في الأرض ده غير أنه أخويا فضل يضرب الكلب إلا إنه مش راضي يسيبه وأخيرا مشي من عنده وراح جري ورا بنت صغيرة وعضها'.

وتابع سعودي: 'الأغرب من كل ده إن مفيش فرد أمن واحد بس يلحق الناس ولا يشوف قصة الكلب ده إيه.. والحمدلله أخيرا بعد نصف ساعه من كل الحوارات دي جه مسئولين الأمن وكل اللي عملوه صوروت أخويا والعضه وهدومه اللي بايظة، وبيقولوا معلش مش هنقدر نعمل حاجة أصل ده كلب بلدي ومسعور هرب ودخل جوه open air mall، وطبعا كل الناس كانت واقفة وشايفة ده، وطبعا معرفتش أكمل خناق معاهم لأن أخويا بينزف والعضة كانت جامدة، خدته بعربيتي وروحنا مستشفى الشروق العام عشان ياخد لقاح السعار، ورجعتلهم تاني، طبعا كان خلاص مفيش حد والناس قفلت وسألت على مكتب الأمن وقالولي فعلا معلش ده كلب بلدي ولسه بندور عليه'.

صورة من الواقعة

وأكمل: اللي عايز أعرفه بقى المفروض إننا في مكان كويس وآمن نسبيا للعائلات والأطفال، هل الطبيعي يبقى في كلاب ضالة ومسعورة جوه؟..

مفيش فرد أمن واحد حت_ يكون وسط الناس ويشوف اللي بيحصل ده ويلحق الناس؟!'.

واختتم: 'ربنا يشفي البنت الصغيرة اللي اتعضت هي كمان'.