الرئيس السيسي: مشروع الدلتا الجديدة تكلفته 800 مليار جنيه.. ويوفر 2 مليون فرصة عمل

قال الرئيس عبد الفتاح السيسي، إن مشروع الدلتا الجديدة تكلفته 800 مليار جنيه، مشيرًا إلى أته سيوفر فرص عمل لـ 2 مليون شخص.

قال الرئيس السيسي أن ما تحقق في مشروع الدلتا الجديدة، يعكس حجم التعاون بين مؤسسات الدولة، مضيفًا: "لما بقول كده فده لينا كلنا، ولكل اللي بيسمع وبيشوف، علشان يبقوا سعداء بالبلد.. الكلام ده ما كانش ممكن يحصل من غير المصريين وتضافر كل الأجهزة المختلفة".

وطالب السيد الرئيس عبد الفتاح السيسي الدكتور بهاء الغنام، بشرح التفاصيل الكاملة الخاصة باختيار الأرض وتجهيز البنية الأساسية لمشروع الدلتا الجديدة، قائلاً: "مش عايزك تستعجل.. إحنا معانا زملاء وإعلاميين ومستثمرين.. ارجع للخريطة بالقمر الصناعي واشرح كل التفاصيل للمواطنين".

وأضاف الرئيس السيسي، خلال افتتاح مشروع الدلتا الجديدة التنموي المتكامل بالضبعة، أن الهدف من عرض التفاصيل هو توضيح حجم ما تحقق على أرض الواقع، قائلاً: "بنقول ده علشان المصريين يبقوا سعداء بنفسهم، ويعرفوا إن اللي اتعمل فضل كبير من ربنا، وإن فيه وزارات وأجهزة كتير شاركت، زي الري والكهرباء والزراعة، واتصرف مليارات في المشروع ده".

وتابع الرئيس السيسي: "لو دخلنا في شرح الحفر والشغل من غير ما نشرح براحة، الناس مش هتشوف حجم اللي اتعمل.. إحنا بنتكلم عن مساحة ضخمة اتنفذت فيها ترع ومسارات مياه وكهرباء وطرق.. عاوزين نوضح الملامح الرئيسية.. خد وقتك في الشرح".