أطلق أحد العاملين بإحدى الشركات السياحية، نداء استغاثة في بث مباشر، على صفحته الشخصية على فيسبوك؛ رافضًا الاستغناء المفاجئ من الشركة عنه، هو وعمال آخرين.
وظهر العامل من داخل مسكنه في فندق الشركة في حضور مدير الأمن بالفندق، صارخًا: 'احنا عبيد السياحة.. نشتغل 16 سنة والآخر بطردونا في الشارع.. عايز حقي.. عايزين يمشونا براحتهم بس أنا عايز حقي.. عايز النجدة اللي تيجي تخرجني من هنا'.
وأضاف: 'في عامل كان معانا مات بأزمة قلبية.. إحنا بقينا عبيد السياحة.. كنا بنشتغل 18 ساعة في اليوم والآخر يقوللنا امشوا.. انتوا عايزين تشتغلوا عند الناس غصب عنهم'. قائلًا: 'لا أنا مش عايز أشتغل عند حد غصب.. أنا عايز حقي'.
وقال عامل آخر يعاني من عجز في عينه يعمل في الشركة من 15 سنة، خلال البث: 'عندي بنت على وش جواز.. وصحتي راحت.. أعمل إيه أنا دلوقتي.. والسنين راحت علينا.. ويقولولنا امشوا.. لا مش هنمشي.. في دولة وفي رئيس جمهورية وفي حكومة وفي وزارة القوى العمالة.. المفروض تجيب حقوقنا'.
وتوالت ردود الفعل المتضامنة مع نداء الاستغاثة في الفيديو، وقال أحد المتابعين: 'ما ضاع حق وراءه مطالب'، ونصحه آخر بعمل محضر رسمي بالواقعة، واللجوء للقضاء، وقال آخر: 'احنا في كل الفنادق عبيد'.
ووجه متابع آخر: 'نداءً عاجلًا إلى الصفحة الرسمية لوزارة للتحقيق في الواقعة وكشف الحقيقة'، فيما أكد آخر أن قانون العمل الجديد منع فصل أي عامل وأن استمارة 6 تم إلغائها.
تابعوا آخر أهل مصر على Google News
