انتقدت الإعلامية ياسمين عز تبرير ارتفاع أسعار البصل بوصول سعره إلى 30 جنيهًا للكيلو بسبب التصدير، متسائلة عن أسباب ربط ارتفاع الأسعار بالتصدير، في الوقت الذي لم تشهد فيه أسعار البنزين أي زيادة، ولم يصدر قرار رسمي بتحريكها، وفقًا لتصريحاتها.
وقالت ياسمين عز، خلال برنامج «كلام الناس» المذاع عبر قناة «MBC مصر»: «بيقولوا البصل زاد لـ30 جنيه بسبب التصدير.. بتتلككوا بالتصدير، هو التصدير لسه داخل مصر أول امبارح ما طول عمرنا بنصدر؟! أومال لما البنزين يغلى هتعملوا إيه؟! واللي مش عاجبه السعر يشوح الأكل بفجل ولا إيه؟».
وتطرقت الإعلامية إلى ما أثير بشأن اتجاه بعض التجار إلى تخزين السكر تحسبًا لارتفاع أسعار الوقود، قائلة: «أمال لما يغلى البنزين هتعملوا في الناس إيه؟ برضو فيه كلام إن تجار السكر بيخزنوه عشان يبيعوه بسعر أعلى لما البنزين يغلى».
وأضافت: «شوف، كله يغني على ليلاه: قالك البنزين يغلى فأنا أخزن. طب هل البنزين زاد؟ لا. هل في قرار رسمي بزيادته بعد أيام مثلاً؟ برضو لا. وزارة البترول نفت تماماً الكلام ده».
وانتقدت ياسمين عز ما وصفته بسلوك تخزين السلع قبل حدوث أي زيادة فعلية في أسعار الوقود، متسائلة عن أسباب إقدام بعض التجار على تخزين السكر، ومحذرة من أن استباق الأحداث والجشع قد يؤديان إلى خلق أزمة ورفع الأسعار على المواطنين.
وتساءلت: «طيب بتخزن السكر ليه؟ إنت كتاجر بتخزنه ليه؟ بتستبق الأحداث ليه؟ ليه جشع بعض التجار ممكن يعمل لنا أزمة ويرفع الأسعار؟».
وأشارت الإعلامية إلى أن البصل المتداول حاليًا يُقال إنه من مخزون يعود إلى أبريل الماضي، موضحة أن تراجع الكميات المخزنة مع استمرار البيع قد يدفع الأسعار إلى الارتفاع، قائلة: «ومع البيع المخزون بيقل والسعر ممكن يوصل كمان لـ35 جنيه».
واستعادت ياسمين عز الجدل الذي أثير سابقًا حول ارتفاع أسعار البطيخ، مشيرة إلى تصريحات منسوبة إلى شعبة الفاكهة وقتها بأن من لا يناسبه سعر البطيخ يمكنه تناول الموز.
وقالت: «فاكرين لما البطيخ غلي في الصيف؟ شعبة الفاكهة قالت إيه وقتها؟ قالت: اللي مش عاجبه البطيخ يأكل موز. زي كده فرنسا، اللي مش عاجبه العيش يأكل جاتو. طب دلوقتي اللي مش عاجبه سعر البصل يشوح الأكل بإيه؟ بالفجل؟ ولا إيه؟».
تابعوا آخر أهل مصر على Google News
