تصدر الفنان فاروق فلوكس، محرك البحث الأكثر شهرة 'جوجل'، في الساعات القليلة الماضية، بعد حلقته أمس مع الإعلامية إنجي هشام، عبر برنامج 'المنسي'، على قناة 'هي'، حيث تناول اللقاء جوانب من حياته الفنية والشخصية.
وخلال السطور التالية يوضح 'أهل مصر'، أبرز تصريحات النجم فاروق فلوكس بعد تصدره التريند.
أبرز تصريحات النجم فاروق فلوكس
جلطة في القلب
قال فاروق فلوكس: 'جالي جلطة في القلب بسبب مها أحمد كنت شغال معاها في مسلسل، أنا مكنتش عارف أني بشتغل مع مارلين مونرو علشان يحصلي كده في السن ده، هو أنا هروح أعاكسها وهي ترفضني ويجيلي جلطة؟ إيه المنطق الغريب ده؟'.
وأضاف: 'المشهد اللي أنا انسحبت علشانه كانت في مكان وأنا في مكان، وربنا يسامحها وأنا مسامحها، وحجة البليد مسح التختة، أنا فعلًا جالي جلطة وعملت عملية في القلب، وهي علقت على جملة أنا بقولها وهو ده الموقف، ودي زي بناتي الصغيريين ومش نجمة كبيرة أوي، وهي سابت التمثيل شوية واشتغلت مذيعة، وبعدين سابت شغل المذيعة، وأنا مقدر ظروفها وظروف ابنها، وربنا يسامحها'.
فاروق فلوكس
حقيقة تأجيل دفن والدته حتى يكمل عرض مسريحته
وعن حقيقة تأجيل دفن والدته حتى يكمل عرض مسرحيته، قال: 'أنا مأجلتش دفن والدتي هي اتوفت الساعة 5 وتلت، والدكتور جه وعمل اللازم وكان صعب تدفن الساعة 7، وكنت شغال مسرحية وقالولي ممكن نوقف وروحت اشتغلت وكانت من أصعب الليالي في حياتي، وأنا كنت عامل دور ابن أمه، وكانوا بيعلقوا عليا كتير أوي بعد المسرحية ويقولوا سلم على أمك، ويومها ماحدش منهم قال كلمة على أمي خالص، لأني سايب أمي ميتة في البيت'.
أمنيته في الفن
وكشف عن أمنيته في الفن قائلًا: 'طول عمري في عالم الفن كنت متمني دايمًا أن أي دور أعمله بنجاح، والنجومية مبتجيش كده لازم يكون في حب من الجماهير ونص جيد وتقمص جيد مني، مكنتش عايز أبقى نجم، ولكن الدور اللي أعمله ماحدش يعرف يعمله زيي'.
تابعوا آخر أهل مصر على Google News
