أكد عدد من طلاب الصف الثاني الثانوي العام بمدرسة ميت حلفا الثانوية المشتركة بمحافظة القليوبية، منذ قليل، سهولة فتح منصة امتحان مادتي الأحياء والفلسفة والمنطق للفصل الدراسي الأول إلكترونيا على التابلت.
وقالت إحدى الطالبات: 'الامتحان سهل واللجنة كلها دخلت امتحنت على السيستم أفضل من الامتحان السابق، ومستوى الامتحان كويس بس الأحياء كان يحتوي على أسئلة تحتاج إلى وقت للتفكير'.
إحدى طالبات ثانية ثانوي بالقليوبية
وأضافت طالبة أخرى، أنها ظلت لبضع دقائق حتى تمكنت من الدخول على سيستم الامتحان، مضيفة: 'النهاردة كان في تحسّن في السيستم عن أول يوم امتحان، ولكن الشيء المؤسف أن الامتحان تم تسريبه قبل ما ندخل'.
فيما قال أحد الطلاب: 'أنا لم أقرأ الامتحان، أول سؤال شوفته عرفت أنه نفس الامتحان اللي متسرب على التيلجرام'.
وأضافت طالبة أخرى تُدعى مريم: 'أنا داخلة امتحان الأحياء وهو في إيدي بسبب تسريبه، وحلينا الامتحان على أساس أنه امتحان عادي، وبعد ما دخلنا اللجنة لقينا الامتحان نفس اللي حلناه قبل ما ندخل، وللأسف كنت مش عايزة كده علشان اللي ذاكر اتساوى باللي لم يُذاكر'، متابعة: 'إحنا بقالنا 8 شهور بنذاكر ومنعرفش مستوانا عامل إيه، كنا داخلين عايزين نعرف مستوانا وصل لأية، وده اللي ممكن يدينا ثقة لامتحانات الثانوية العامة لكن للأسف الامتحان تم تسريبه'.
إحدى طالبات ثانية ثانوي بالقليوبية
بينما قالت طالبة أخرى: 'الامتحان في تايمر بيعدّ والمدرسين بيقولوا يلا ما أخدناش غير التوتر وتعب الأعصاب، مع إن أول الوقت ما بيخلص الامتحان بيقفل لوحده'.
وكان الدكتور طارق شوقي، وزير التربية والتعليم والتعليم الفني، أكد في منشور له على 'فيس بوك': 'مسموح لطلاب المرحلة الثانوية في الامتحانات الإلكترونية باستخدام خاصية تقسيم الشاشة للاطلاع على الكتب الـ pdf والمصادر المتاحة لأن الامتحان open book'، مشيرًا إلى أنه يسمح لطلاب المرحلة الثانوية باصطحاب كتاب الوزارة الأصلي أو نسخة منه خلال امتحانات الفصل الدراسي الأول.
إحدى طالبات ثانية ثانوي بالقليوبية
وأوضح 'شوقي'، أنه من يتعذر عليهم أداء الامتحان من طلاب الصف الأول والثاني الثانوي، لأية أسباب قانونية أو مرضية أو التعرض لمشكلة داخل اللجنة تعيق الامتحان أو بسبب التواجد خارج البلاد ويتم اعتمادها، سيتم إعادة الامتحان لهم فيما بعد داخل مدارسهم.
تابعوا آخر أهل مصر على Google News
