اعترافات المتهمة بضرب ضرتها بالساطور في قنا: كنت عايشة في ذل

اعترفت المتهمة بتهشيم رأس ضرتها بالساطور وبتر أصابعها، في قرية العمرة مركز أبوتشت، أمام النيابة بارتكابها الواقعة، معللة: "كنت عايشة في ذل مع زوجي ومراته التانية وحبيت أتخلص منها".

وأضافت المتهمة قائلة: "ضرتي كانت دائما تفتن زوجي عليا وتقوله كلام محصلش، حسيت أن الدنيا كلها واقفة ضدي مش عارفة أطلق واتعب على النفقة واتشحطط في المحاكم، ولا أصبر وأشوف الذل منه ومن مراته، لحد ما صبري نفذ محسيتش بنفسي وأنا بضربها بالساطور، عشان هي كانت السبب في الذل اللي عيشاه معاهم ".

وتابعت: "زوجي طلقني منذ فترة ورفعت قضية نفقة عليه، وكل مرة أحصل فيها على حكم كنت بشوف العذاب عشان يتنفذ والشرطة كانت ترأف بحالتي، وتجيبه عشان أنا ست غلبانة هاكل وأشرب منين".

وأوضحت: "وبعد صدور أحكام ضده بالنفقة، قرر أن يردني إليه وكان متزوج من واحدة تاني، عشت خادمة في المنزل لهم، لم أتذوق طعم الراحة، كان يفضلها عني ويسمع كلامها، ويعاقبني على النفس اللي بتنفسه، وزوجته تعاملني مثله بقسوة لذلك قررت التخلص منها".