برلماني عن نسل الأغراب: "أنا تعبت نفسيا من شكل الصعايدة في المسلسلات"

استنكر النائب طارق رضوان، عضو مجلس النواب، ورئيس لجنة حقوق الإنسان بالمجلس بعض المسلسلات، من أبرزها مسلسل 'نسل الأغراب'، حيث تتناول صعيد مصر على أنهم تجار للمخدرات والسلاح.

وقال 'رضوان' عبر صفحته الشخصية على موقع التواصل الاجتماعي 'فيسبوك': 'أنا صعيدي ومش بلبس كدة ولا بتكلم كده.. أنا بجد تعبت نفسيا من الصعايدة اللي بيطلعوهم في المسلسلات، هل هذا استهتار بالصعايدة أو استخسار يجيبوا مدقق لغوي ومصمم ملابس ولا هو أي مصلحة والسلام.. يعني الفنان أمير كرارة لابس ذي الحاخامات اليهود وأحمد داش وأحمد مالك عاملين زي العيال اللي رايحين حفلة تنكرية ومش عارفين هما لابسين ايه ولا بيقولوا ايه.. وكمان مطلعين الصعايدة تجار سلاح أو مخدرات، يعني هو ده الصعيد بالنسبة للفن والثقافة المصرية، يا أهل مصر العامرة، الصعيد كان ومازال المنبت للكثير ممن أثروا الفكر والثقافة وجميع المجالات في مصر.. صعيدي وافتخر'