أجرت 'أهل مصر'، بثا مباشرا، مع الشاعرة الشابة إبنة مدينة منيا القمح، بمحافظة الشرقية، حيث ألقت قصائد بالعامية من تأليفها.
هي الفتاة الشابة هناء علي، الحاصلة على ليسانس أداب قسم الجغرافيا، تقول إنها اكتشفت موهبة الشعر وهي في مرحلة الإعدادية، وانطلقت مع عام 2011، بدأت تؤلف كلمات شعر بالعامية وتميزت في الطريقة التي تلقي بها.
وخصت زوجة الشهيد منسي بقصيدة 'أنا زوجة الشهيد'، وذلك تقديرا للاسرة الشرقاوية والشهيد المنسي رحمة الله عليه، كما وتتمنى أن تثقل موهبتها ومهارتها أكثر وأكثر في مجال الشعر والإلقاء، وأن يكون لها باع عظيم في المجال.
كلمات قصيدة أنا زوجة الشهيد
أنا زوجة الشهيد منسى
فى بعدة كنت مابنمشى
عشان قلقى عليه فى سينا
وبعد ماراح إلى الجنه
فطيفه لسة وسطينا
مطمنا لأبعد حد..
سايبلى أمانه صعبه بجد
لكن زارع إيمانه فينا
..
سايبلى نسخه من ريحته
فى أبننا الكبير 'حمزة'
فى ضحكه وشكل تسريحته
فى لمعه عينه لو زعلان
رجولتة اللى فى كلامه تبان
سايبلى كيان مدفينا
وشايل أسمه فى الدنيا
كأنه لسة وسطينا.
....
سايبلى 'عليا' بجمالها
وطيبه قلبها عليا
سايبلى روحه فى عنيا
سايبلى أيد تطبطب ليا على قلبى
كأنه قلبه كان حاسس وبيخبى
وبيحاول بقا يشبع بكل دقيقة وياها
يعز عليه بأنه يسبها وهى طفلة كالآيه
وكان نفسة ياقلبى.. يشوفها عروسة جميلة فى الكوشة
ويتخيل ويتمنى!
لكن دلوقتى هو أكيد شايفها بروحه من الجنه.
....
سايبلى كمان آخر حته بقا منه
'على' ابنه
اللى طيبه قلبه تشبه له
بنظرة واحدة بس ليه
بشوف 'أحمد صابر منسى'
حنين قلبه ورومانسى
ولما يكون فى قلبى هموم
ببص فى ننى عينه أوام
فيصبح همى دا منسى.
....
أنا زوجة الشهيد منسى
فخورة بأنه أختارنى
أكون أم لأولادة
فخورة بأنى زوجه لأب
بيعشق أرضه وبلادة
مفيش فى قاموسه كلمة 'صعب'
ولو فى صعب يوم قابلة
بيغلبه هو بإيمانه.
...
ولو عاد الزمن بيا
بروحى وقلبى هختارة
وليا الفخر إنى أكون
أنا أم لأطفالة
ووعد عليا أربيهم وكبرهم
لحد ماياخدو يوم طارة
...
يطهرو سيناء مع أخواتهم من الإرهاب
ولادنا خيره الأجناد
وهما بأيدهم اختاروا
- ساعتها هبقى مبسوطة
وهستنى ملاك الموت
يدق الباب ويأخد روحى بإشارة
ويامحلاها دى بشارة
ساعتها هبقى بجواره..
بجوار جوزى وحبيب قلبى
الشهيد'أحمد صابر منسى'
أخيراً له خلاص همشى..!!
وأقولة بكل فخر وحُب
أنا كملت مشوارك
ولادك أخدو أهم طارك
وطار كل أخواتك وأصحابك
رصاص الغدر .. آه صابك
لكنه على فى نصابك
عشان تاخدنا للجنه وتبقى شهيد
وتدفع آخر نفس فى الروح
فدى بلدك ..وتبقى عريس
وتسقى ترابها من دمك
وهمك بس مصر تعيش
وهمك بس مصر تعيش.
...
أنا زوجه الشهيد منسى
من الشرقيه 'منيا القمح' بالتحديد
فخورة بأن زوجى شهيد
تابعوا آخر أهل مصر على Google News
