كتبت فتاة من الأسرة المُتهمة بالتعدي على الطاقم الطبي 'تمريض مستشفى قويسنا العام' التابعة لمحافظة المنوفية منشورا عبر حسابها الشخصي على موقع التواصل الاجتماعي 'فيسبوك' تبرر ما حدث مساء الخميس الماضي بالمستشفى.
التعدي على تمريض مستشفي قويسنا
فيديو متداول للتعدي على طاقم تمريض بالمنوفية
وجاء منشور الفتاة كالآتي: 'احنا جايين نسعف مريضه هنجيب الات حاده معانا ليه، مستشفي قويسنا بيعامل الناس بكل استهتار ولا مبالاه وقلة زوق وعادي يقولك ماتموت نعملها اي وكل الممرضين زعلانين من رد فعل اهل مريضه بتموت ويقولوا زميلنا متضربش بس عادي واحده تموت في داهيه ويقلوا ادبهم علي ست كبيره فوق ال٦٠ سنه ويمدوا ايدهم عليها وضربوها بالقلم وزقوها ع الأرض على ضهرها'.
وأضافت الفتاة: 'علشان الفيديو مش متصور فا الناس مش فاهمه حاجه وطلبنا بتفريغ الكاميرات المستشفى وكله هيوضح والناس تقولهم الحاله بتنزف وبتموت يردوا بكل برود نعملكوا اي مفيش دكاتره دلوقتي وللعلم انا اللي كان بيكلم اهل المريضه بتوع النظافه مش التمريض وهما اللي ابتدوا بالتعدي علي الست الكبيره ولولا عيالها لاكانوا موتوا الست الكبيره من الضرب.. مفيش اى كرباج والله العظيم دا سلك كان مربوط بيه الكرسى'.
وتابعت: 'المريضة سقطت والله العظيم وضربوا المريضة وسببولها انفصال ف المشيمة ودخلت ف غيبوبة ودلوقتى ف حالة حرجة جدا.. عاوزين رد الفعل يبقى عامل ازاى ولا كان فى كرباج ولاصاعق كهرباء والله العظيم عاملين النظافه هما اللي بيضربوا يجماعه والممرضين والله العظيم'.
المنشور
وكان رواد موقع التواصل الاجتماعى 'فيس بوك'، تداولوا مقطع فيديو يظهر اعتداء بعض الأشخاص على أفراد التمريض داخل مستشفى قويسنا المركزى بمحافظة المنوفية، ليتطور الأمر بعدها إلى مشاجرة بين الطرفين بالعصي.
وأظهر الفيديو المتدوال علي مواقع التواصل الاجتماعي، قيام عدد من الأشخاص بالتعدى على طاقم التمريض داخل مستشفى قويسنا المركزى ومن ثم تطور الأمر لمشاجرة وصراخ وهرج كبير داخل صالة المستشفى.
من جانبه، قال مصدر أمنى بمديرية أمن المنوفية، إنه يتم الآن فحص الفيديو المتداول على 'فيسبوك'، وتحديد أطراف الخلاف لسؤالهم عن الواقعة وملابساتها، مؤكدًا أن الأمر مازال قيد التحقيق.
تابعوا آخر أهل مصر على Google News
