مأساة تلميذ بالفيوم أصابته هستيريا الخوف من بطش معلمته .. ووالدته تحرر محضرا وتروي فصول معاناته

حررت والدة تلميذ في الصف الرابع الابتدائي ، محضرا تتهم فيه إحدى معلمات مدرسة خاصة بمنطقة كيمان فارس بمحافظة الفيوم، ضرب وإهانة وإرهاب نجلها، بعد أن روي طفلها ما حدث معه قائلا لها عبارة تُقطع القلب حزنا لما شهده طفلها من عقاب قائلا بكل حزن وخوف (يا ماما انا رجلي مكنتش قادر أقف عليها من الخوف ومش انا اللي كتبت) كانت هذه العبارة المؤلمة هي ما دفعت السيدة لسرعة عمل محضر،

رقم المحضر

تحرير محضر تعدي وإهانة وإرهاب

تبدأ تفاصيل الواقعة عندما تلقى اللواء ثروت المحلاوي مساعد وزير الداخلية مدير أمن الفيوم، إخطارا من العميد محمود مفتاح مأمور قسم اول الفيوم بقيام والدة تلميذ بتحرير المحضر رقم 1906 لسنة 2023 إداري قسم أول الفيوم والتي تتهم فيه احدى معلمات المدرسة بالتعدي على طفلها ضربا وإهانته وإرهابه داخل المدرسة.

تفاصيل البوست

تعود تفاصيل الواقعة الى قيام والدة تلميذ بالصف الرابع الابتدائي بمحافظة الفيوم بنشر بوست على مواقع التواصل الإجتماعي فيس بوك قائلة: يا جماعة مشكلتي مع مدرسة خاصة شهيرة بمنطقة الكيمان .. ابني طفل في سنة رابعة ابتدائي عامل عملية في دراعه من فترة كبيرة .. اتهمو ابني انه كتب شتيمة تخص المعلمة اللي بتدرسله في الفصل والشتيمة دي على باب الحمام .. المعلمة والاخصائي والوكيل دخلو الفصل وعملو ارهاب للأطفال واجبروهم انهم يكتبو بخطهم عشان يعرفو مين صاحب الخط وفي النهاية اتهمو ابني .. المدرسة تعدت عليه بالضرب على ضهره وكتفه ودراعه اللي فيه عملية ضرب مهين لدرجة ان الوكيل قاللها (كفاية كدة) وردت عليه قالت (وديني ل اربيه بدل اهله اللي معرفوش يربوه) وبعدين المدير خد الولد للحمامات وبعدين الحوش وبعدين المكتب وقالله (انت مفصول بكرة) وبعد ده كله الاخصائي كلمني وقاللي (تعالي حالا قابلي المعلمة) وطبعا اتخضيت ونزلت جري عشان افهم في ايه والأستاذة رفضت تقابلني اساسا.

وتكمل والدة التلميذ : ابني جه البيت يقوللي (يا ماما انا رجلي مكنتش قادر أقف عليها من الخوف ومش انا اللي كتبت) با جماعة يتهمو ابني بالباطل من وسط مدرسة فيها من الصف الاول للصف السادس !!!!!! هل ده يرضي ربنا؟ هل ده اسلوب تربوي؟ هل يحق ليهم انهم يضربو ابني ويهينوه اودام الفصل كله .. هل ينفع إن أطفال في السن ده يدخلو الحمام ومعاهم قلم؟ فين الإشراف؟!!!! هل يحق لإدارة المدرسة انهم يخلو الأطفال يكتبو عشان بيشوفوا ده خط مين؟ وليه فصل ابني بالتحديد؟ وازاي يتعدو بالضرب والإهانة على ابني؟ انا عملت محضر تعدي وإهانة ومش هسكت وإن شاء الله هرفع قضية على المدرسة وهشتكي في الوزارة.