ناقشت هيئة محكمة جنايات الزقازيق في محافظة الشرقية في جلستها المنعقدة منذ قليل المتهمة بقتل ابنها وتقطيع جثته ووضعه داخل دلو وطهي جزء منه وأكله بقرية شلبي التابعة لمركز فاقوس في حضور اللجنة الخماسية من الطب النفسي بجامعتي الزقازيق والمنصورة والمكلفه بفحص قاتلة ابنها لبيان مدي سلامة قواها النفسية والعقلية.
وتنشر' أهل مصر' نص مناقشة قاتلة ابنها في حضور اللجنة الخماسية.
الطفل المجني عليه
اعترافات قاتلة ابنها
كيف تجرأتى على قتل طفلك الصغير وتقطيعه؟
- كان معمول لى عمل مكنتش حاسة
عملتى كدة ازاى؟
- معرفش كنت رايحة أنام لقيت نفسى رايحة على الولد جيبت يد فاس خشب وضربته لقيته مبيتحركش دخلت المطبخ جيبت سكينة وبدأت اقطعه.
استخدمتى اى شئ تانى زى ساطور؟
- لا
كنتى بتحاولى تخبيه ليه وليه حطيتى ايديه جوة الدولاب وقطعتيه اجزاء صغيرة؟
- كنت تحت تأثير العمل
مين عمل لك العمل؟
-مرات عمى ومرات اخويا
عرفتى منين؟
- كنت بصلى وادعى ربنا لحد ما عرفت
عرفتى ازاى انه عمل؟
_ الشيخ قال خليكى قاعدة هنا واخد ناس راح يحفر طلعه
كملتى تعليم؟
- لحد سنة خامسة
بتعرفى تقرى وتكتبى؟
- اه
كنتى بتشغلى ايه؟
- باليومية فى مصنع
طليقك كان كويس معاكى؟
- لا كان بيضربنى ويقولى ان شكلى مش عاجبه
طلقك ازاى؟
- روحت لمحامى ورفعت قضية
انتى كنتى بتجرى لنفسك ولا حد؟؟
لا انا
امك وابوكى عايشين؟
امى بس
بنيتى بيت بفلوس مين ؟
اخدت ميراثى وعمى وقف معايا وخلانى ابنى بيت
انتى ندمانة او زعلانة؟
- ندمانة بس انا عينى من ضرب جوزى تعبت ومحتاجة عملية فمبقتش ببكى كتير
انتى فاهمة هيحصل لك ايه؟
- انا مستعدة ادفع دية او كفالة بدل اعدام
لو موجودة لوحدك بتسمعى صوت حد بيكلمك؟ او متخيلة حد عايز يئذيكى
او حد عايز يمشى وراكى او يصورك؟
لا
كان ازاى رد فعل جوزك لما عرف؟
- كان بيزعق
يوم الواقعة وبعد ما ارتكبتيها الجريمة ظهرت تاتى يوم .. ازاى قضيتى الوقت ده واكلتى ايه؟
- ماكلتش كنت ببكى ونمت شوية وصحيت تانى ابكى لما عمى جه فتحت له شاف المنظر بلغ الحكومة.
لما خبطتيه ومقامش مجاش فى بالك تتصلى بالاسعاف؟
مجاش فى دماغى ياريتنى عملت كدة .. الى عملته مخسر ليا
ابوه مكانش بيطلب ياخده؟
- كان عايز ياخده قولت هجيب كتب واعلمه فى البيت واحبسه مش هيلعب
علشان مياخدهوش
انتى مجنونة ؟
- لا انا معمول لى عمل
مين رئيس مصر؟
محمد السيسى
ال١٠٠ جنيه فيها كام ١٠ ج؟
- 10
كنتى بتضربيى ابنك؟
خفيفي
- عمرك ضربتى قطة او كلب او فرخة او موتيها؟
لا خالص لو قطة دخلت بطردها
مجاش ابنك قال هروح عند ابويا؟
لا كان بيحب يقعد عندى
اللجنة الخماسية تؤدي اليمن
وأدت اليوم الخميس، اللجنة الخماسية من الطب النفسي من جامعتي الزقازيق والمنصورة حلف اليمين أمام هيئة محكمة جنايات الزقازيق في محافظة الشرقية بشأن ما كُلفت به لفحص قاتلة ابنها وبيان مدي سلامة قواها العقلية والنفسية.
عمل أشعة رنين مغناطيسي على المخ لقاتلة ابنها
وطالبت اللجنة الخماسية هيئة المحكمة بعمل أشعة رنين مغناطيسي على المخ بالصبغة واستدعاء الشهود وسؤالهم مرة أخري.
وقررت محكمة جنايات الزقازيق برئاسة المستشار سلامة جاب الله رئيس المحكمة، وعضوية المستشارين هيثم حسن الضوي وخالد حافظ وشادى المهدي عبدالرحمن، وأمانة سر نبيل شكري، تأجيل محاكمة قاتلة ابنها في واقع وتقطيع جثته ووضعه داخل دلو وطهي جزء منه وأكله بقرية أبو شلبي التابعة لمركز فاقوس إلي جلسة يوم 22 من الشهر الجاري لعرض تقرير اللجنة.
تفاصيل القضية
تعود تفاصيل القضية رقم 8619 لسنة 2023 جنايات مركز فاقوس والمقيدة برقم 844 عندما أحالت جهات التحقيق أوراق هناء م ح 37 عاما مقيمة قرية شلبي التابعة لمركز فاقوس، إلي محكمة جنايات الزقازيق لاتهامها بأنها في يوم 27 أبريل من العام الجاري، قتلت المجني عليه الطفل 'سعد م س' ابنها وقطعت جثته إلى 9 أجزاء وطهت جزء منه وأكلته، وذلك عمدًا مع سبق الإصرار والترصد بأن بيتت النية على إزهاق روحه.
اعترافات قاتلة ابنها
واعترفت المتهمة بقتل ابنها أمام جهات التحقيق حول دوافع القتل لديها قائلة: عايزة أريّحه وأرتاح.. عايزة انتقم من أبوه وأرتاح من كل شوية ييجي أبوه عايز ياخده، وأنها قامت بقتل ابنها باستخدام يد فأس خشبية وسكين وضربه على رأسه 4 ضربات وهو يستنجد تحت يديها ويتوسل لها أن ترحمه، ثم قامت بذبحة وتقطيع جسده وتشفيته بفصل اللحم عن العظم داخل الحمام، ثم وضعت إناء على النار وبه كمية من المياه ووضعت بها أجزاء من جسده ورأسه وسلختها وعبثت بها حتى أخفت معالمها.
تابعوا آخر أهل مصر على Google News
