أدلت 'سهام. ي.س.ي'، 47 عامًا، ربة منزل، مقيمة قرية الصافية مركز دسوق بمحافظة كفر الشيخ، والمتهمة بقتل ابنتها ذات ال13 عامًا ذبحًا داخل المنزل، باعترافات تفصيلية أمام جهات التحقيق بمركز دسوق حول ارتكابها الواقعة.
وينفرد موقع 'أهل مصر' بنشر نص اعترافات 'سهام. ي.س.ي'، 47 عامًا، ربة منزل، مقيمة قرية الصافية مركز دسوق بمحافظة كفر الشيخ، والمتهمة بقتل ابنتها ذات ال13 عامًا ذبحًا داخل المنزل.
المتهمة بقتل ابنتها
اعترافات المتهمة بقتل ابنتها أثناء نومها بكفر الشيخ
س: ما قولك فيما هو منسوب إليكِ من أنكِ متهمة بقتل المجني عليها 'روان. ح. ا'، عمدًا مع سبق الإصرار بأن بيتِ النية و عقدتِ العزم على قتلها وأعددتِ لذلك الغرض سلاحًا أبيضًا 'سكين'، وما أن ظفرتِ بها بالمنزل محل تواجدكما حتى قمتِ بطعنها ونحرها باستخدام السلاح المبين سلفًا محدثة إصابتها الموصوفة بمناظرة النيابة العامة والتي أودت بحياتها قاصدة من ذلك إزهاق روح المجني عليها على النحو والكيفية المبينة بالتحقيقات؟
ج/ أنا غلطانة.
س: ما هي تفاصيل إقرارك؟
'اللي حصل إن كان في مشاكل وخلافات بيني وبين بنتي أمنية دايمًا، وكان لما يحصل خناقة بيني وبينها كانت ترد عليا وتقف لي بالند، لحد ما أوصل أني أنزل عليها ضرب، ولكن على العكس تمامًا بنتي روان الله يرحمها كانت ملاك و هاديه جدًا و ماشية علي طول في طوعي لحد يوم الواقعة لقيت بنتي روان جايه تقولي أنا عاوزه أشتغل و عاوزه أكون زي أمنية و اشمعنا هي بتمشي كلامها عليكي يا ماما و حصل ما بينا مشادة جامدة و أنا اتعصبت و كتمت في نفسي و دخلنا ننام جنب بعض في السرير في أوضة النوم و فضلت أتقلب علي السرير حوالي نصف ساعة ومكنتش عارفه أنام من حرقة الدم وإن إزاي روان الملائكية دي ردت عليا بالطريقة دي و اتمنيت إن أمسك أمنيه أضربها علشان هي اللي وصلت روان للحالة دي و قمت جبت سكينة من علي الكوميدينو جنب السرير وضربت روان و هي مستغرقة في النوم جنبي ضربه سطحيه في رقبتها من قدام.
يا ماما فيه دم يا ماما
وتابعت المتهمة في اعترافاتها أمام جهات التحقيق: 'روان قالت لي يا ماما فيه دم يا ماما هو أنتي دي ولا حد تاني صلي علي النبي وحدي الله قومي صلي ركعتين علشان هي كانت متعودة أنها تهديني بالكلمتين دول لما أتعصب روحت شايله السكينة من على رقبتها وركبت فوقيها وبدأت أضغط بالسكينة على رقبتها من الخلف وقولت لها علشان تبقي تتعلمي تقولي عاوزه أبقي زي أمنية لحد ما فجأة سمعت صوت شبه خرير المياه كان فيه هوا طالع من رقبتها من ورا و أنا فضلت في حالة ذهول وفضلت قاعدة و بعدين قمت غسلت السكينة و لفتها بورقة وقمت خارجة وأنا في حالة ذهول وماسكة في إيدي السكينة و مش مستوعبة اللي أنا عملته لحد ما وصلت عند الترعه و رميت السكينة في المياه و بعدين رجعت البيت تاني و فضلت قاعدة في حالة ذهول لحد ما كبس عليه النوم و نمت جنبها لحد تاني يوم العصر تقريبًا في نفس الميعاد اللي قتلت فيه روان و لما صحيت اتفاجئت باللي حصل و بدأت أستوعبه روحت كلمت ابن عمى و جالي من إسكندرية وطول الطريق يقول لي أنا مش مصدقك أنتي بتكذبي عليا ضربتيها زي كل مرة و هي مغمي عليها قولت له لا أنا قتلتها لحد ما وصل عند البيت فخاف يدخل يشوف اللي حصل وأخدني من برا وداني المركز وهناك حكيت اللي حصل و هو ده كل اللي حصل.
وتستأنف محكمة جنايات فوه، الدائرة الثالثة، اليوم الأربعاء، برئاسة المستشار محمد حسين المر، رئيس المحكمة والدائرة، ثانٍ جلسات محاكمة ربة منزل أربعينية متهمة بقتل طفلتها ذات ال13 عامًا، ذبحًا بسكين داخل منزلهما بقرية كفر الشراعنة التابعة للوحدة المحلية لقرية شباس الشهداء بمركز دسوق بمحافظة كفر الشيخ، وذلك في أحداث لقضية رقم 11360لسنة 2023 كلي كفر الشيخ، والمقيدة برقم 2485 لسنة 2023 جنايات كلي كفر الشيخ.
تابعوا آخر أهل مصر على Google News
