أدلى «م.ج.م.ع»، شقيق المتهم بقتل والديه وشقيقه في قرية «الشقة» مركز قلين، بأقواله أمام جهات التحقيق في محافظة كفر الشيخ، وذلك في أحداث القضية رقم 4728 لسنة 2022 جنح مركز دسوق، والمقيدة برقم 2319 لسنة 2023 كلي كفر الشيخ.
تغيبهم 3 أيام
وقال شقيق المتهم، ونجل المجني عليهما الأول والثانية وشقيق المجني عليه الثالث، في أقواله أمام جهات التحقيق، أن خاله حضر إلى مسكنه الذي يعيش فيه ومعه عربته، وأخبره أن يذهب معه هو وزوجته لتفقد أمر والديه وشقيقه؛ لتغيبهم منذ 3 أيام.
أبويا وأمي وأخويا
وتابع: «مكنتش مصدق كلامه ومفكره بيقول أي كلام وخلاص علشان أروح معاه، وبعدين وأنا واقف قدام البيت عندي لقيت مراتي بتقول لي أنها سمعت من الجيران إن أبويا وأمي ومحمد أخويا محدش شافهم من تلت أيام وباب الدار مقفول، ومحدش يعرف عنهم حاجة».
صورة تعبيرية
أقوال شقيق المتهم بقتل والديه وشقيقه
وأردف: «أنا قلقت من الكلام دا وطلعت مشيت ورا العربية بتاعت خالي، وفي الطريق قابلت اتنين صحاب أخويا محمد في المدرسة ولقيتهم بيقولولي إن محمد بقاله تلت أيام مجاش المدرسة من يوم الخميس ورايحين علشان يشوفوه ولما وصلت الدار بتاعنا لقيت خالي طالع من جوه وحاطط إيده على قلبه وقالي أنه لقي أخويا وأبويا وأمي ميتين جوه، وقال لي متدخلش جوه ومتلمسش حاجة لغاية الشرطة ما تيجي، وأنا مكنتش مصدق اللي حصل وقعدت أصوت لغاية ما الناس اتجمعت في المكان، وهو ده كل اللي حصل».
إحالة المتهم بقتل والديه وشقيقه للمفتي
وقضت محكمة جنايات فوه، الدائرة الأولى، اليوم الأربعاء، حضوريًا، وبإجماع آراء أعضائها، بإحالة أوراق المتهم بقتل والديه وشقيقه ذبحًا داخل المنزل في قرية الشقة التابعة لمركز قلين، لفضيلة المفتي؛ لأخذ الرأي الشرعي في عقوبة إعدامه.
تابعوا آخر أهل مصر على Google News
