أدلى 'أدهم، ع.ع.ع'، 59 عامًا، الجزار المتهم بقتل متسول مُعاق ذهنيًا؛ لسرقة أمواله، باعترافات تفصيلية أمام جهات التحقيق بمركز مطوبس في محافظة كفر الشيخ حول ارتكابه الواقعة.
ويواصل موقع 'أهل مصر' نشر اعترافات جزار كفر الشيخ التي أدلى بها أمام جهات التحقيق، حيث أكد المتهم في اعترافاته أنه طعن المجني عليه عدة طعنات بسكين، ثم فر هاربًا من المنزل خشية أن يراه أحد، وبسؤال المتهم حول سبب ارتكابه الواقعة أجاب: 'أنا مش عارف اللي حصل ده حصل إزاي وكنت حاسس إن أنا بحلم حلم ومعرفش إيه اللي خلاني أسمع كلامه وأمشي وراه ويا ريتني ما كنت سمعت منه قصة التلفزيون ولا فكرت حتى إن أنا أشتريه بس أنا قولت أمشي وراه وأشوف التلفزيون ده وأشوف لو فيه حاجة عنده ينفع أخدها بس عايز أقول إن عمري ما عملت حاجه زي كده وأنا فعلًا بمر بظروف مادية مش حلوة بس أنا طول الفترة اللي أنا عرفته فيها كنت بأعطف عليه وأخد الفلوس الفكة اللي كان يجمعها من الشحاته وأجمدها له'.
صورة تعبيرية
اعترافات جزار متهم بقتل متسول مُعاق ذهنيًا
ويكمل في اعترافاته: 'أنا لما حسيت أنه ورايا خوفت وقولت ده هيقتلني وطلعت السكينة من جيبي وضربته بها بس وأنا ماشي وراه قبل ما أوصل البيت بتاعه في الطرق الضلمة اللي قولت عليه قبل كده خوفت وكنت بأفكر وقتها إن أنا أرجع ومروحش وراه بس روحت وراه وحصل اللي حصل'.
وبسؤال المتهم أمام جهات التحقيق حول قصده من ارتكاب الواقعة، أجاب: 'أنا بصراحة مش عارف أحدد أنا كنت عايز إيه، بس أنا قولت اروح وراه أشوف التليفزيون اللي عنده لو ينفعني أخده، وقولت أشوف عنده إيه في الشقة، ولو في حاجة تنفعني أخدها ولما حصل اللي حصل والنور فصل وخوفت لما هو صوت وقعد يزعق بصوت عالي فأنا خوفت إن حد يسمعه وحسيت إن هو ممكن يموتني طلعت السكينة اللي كانت في جيبي وضربته بها عشان لو مكونتش قتلته كان هو ممكن يقتلني وخوفت على نفسي وعملت اللي عملته عشان أهرب قبل ما حد يشوفني أو يمسكني.
إحالة المتهم للمفتي
وقضت محكمة جنايات فوه، الدائرة الثانية، حضوريًا، وبإجماع آرائها، بإحالة أوراق جزار خمسيني، متهم بقتل شاب معاق ذهنيًا طعنًا بسلاح أبيض؛ على إثر مروره بضائقة مالية، ووجود خلافات مالية بينهما لرفض المتهم رد المبالغ المالية التي استدانها من المجني عليه، لفضيلة المفتي؛ لأخذ الرأي الشرعي في عقوبة إعدامه.
هيئة المحكمة
صدر الحكم برئاسة المستشار جمال زكي طوسون، رئيس المحكمة والدائرة، وعضوية المستشارين محمود أحمد الغايش، ومحمد ناصر بلبع، وسكرتارية أحمد الميداني، وذلك في أحداث القضية رقم 17312 لسنة جنح مركز مطوبس، والمقيدة برقم 3056 لسنة 2023 كلي كفر الشيخ.
كان المحام العام لنيابة كفر الشيخ الكلية، قد أحال 'أ.ع.ع.ع'، 59 عامًا، جزار، مقيم قرية إبيانة التابعة لمركز مطوبس بمحافظة كفر الشيخ، لمحكمة الجنايات؛ لمحاكمته عما نُسب إليه من اتهام.
وتبين من أمر إحالة المتهم لمحكمة جنايات فوه، أنه في يوم 22 يوليو 2023 بدائرة مركز مطوبس بمحافظة كفر الشيخ، قتل عمدًا المجني عليه 'مصطفي محمد خضر قشلان' مع سبق الإصرار بأن بيت النية وعقد العزم على إزهاق روحه وذلك بغية سرقته وأعد سلاح أبيض (خنصر) محل الاتهام اللاحق وتتبعه ملثمًا إلى حيث مسكنه وما أن ظفر به حتى سدد له عدة طعنات بسلاحه الأبيض حوزته بأماكن متباينة بجسده قاصدًا من ذلك قتله فأحدث به الإصابات المبينة بتقرير الصفة التشريحية المرفق بالأوراق والتي أودت بحياته على النحو المبين بالتحقيقات.
وتبين من أمر الإحالة أنه قد ارتطبت تلك الجناية بجنحة أخرى وكان القصد من ارتكاب تلك الجناية التأهب لفعل الجنحة وتسهيل ارتكابها، ذلك أنه في ذات الزمان والمكان آنفي البيان شرع في سرقة المبالغ المالية المملوكة للمجني عليه المتوفي إلى رحمة مولاه، إلا أن أثر جريمته قد خاب لسبب لا دخل لإرادته فيه وهي استغاثة المجني عليه حال طعنه ففر هاربًا، ولم يتم جريمته، وهو الأمر المؤثم والمعاقب عليه بمواد قانون العقوبات على النحو المبين بالتحقيقات.
كما أحرز سلاح أبيض (خنصر) بدون مسوغ من الضرورة المهنية والحرفية وتستخدم في الاعتداء على الأشخاص
على النحو المبين بالتحقيقات.
تابعوا آخر أهل مصر على Google News
