سيطرت حالة من الحزن على أهالي قرية الصنافين التابعة لمركز منيا القمح في محافظة الشرقية، عقب نبأ وفاة الشاب 'عبد الله أحمد' في حادث مروع، وترك الشاب رسالة مؤثرة عبر صفحته الشخصية على موقع التواصل الاجتماعي 'فيسبوك' قبل 3 أشهر لوصيته عند وفاته.
وصية الشاب عبد الله أحمد قبل وفاته
وكتب الشاب: 'وصيه وإقرار مني لما أموت متقفلوش أي حاجة ليا عشان أفضل موجود بينكو و حتى لو نستوني الفيسبوك يفكركو بيا يوم عيد ميلادي أدعولي بس ومتدفنونيش بليل أبدا مهما حصل، وخليكم شوية لحد ما أتعود على المكان، أقرأوا سورة يوسف ويس ع قبري علشان مخافش، وشغلولي قرآن كتيير ومتعيطوش عارف هيبقي غصب عنكم بس حاولوا'.
"بس وقت ما أجي على بال حد ويفتكرني يقرأ لي الفاتحة"
وأضاف الشاب 'حد يقولي الشهادة ويدعيلي بالثبات عند السؤال اللي يفتكرلي مرة إني وقفت جنبه يهاديني بالصدقة الوقت هيمر وهتنسي بس وقت ما أجي على بال حد ويفتكرني يقرأ لي الفاتحة ويدعيلي ربنا يجعلني من أهل الجنة ويغفرلي'.
واختتم الشاب وصيته 'العمر مش مضمون محدش يزعل ويقولي بعد الشر و ليه بتقولي كده أحنا في غفلة يا جماعة والله'.
تشييع الجنازة
وانهالت تعليقات المتابعين بالدعاء له بالرحمة والمغفرة وأن يتغمده المولى عز وجل بواسع رحمته وأن يسكنه فسيح جناته ويلهم أهله وذويه الصبر والسلوان.
وشيع الأهالي جثمان الشاب في جنازة مهيبة، عقب أداء صلاة الجنازة عليه بمسجد القرية ودفنه بمقابر العائلة وسط دموع وصراخات أسرته.
تابعوا آخر أهل مصر على Google News
