قال الدكتور خالد عبدالحليم، محافظ قنا، خلال كلمته لموظفي الوحدة المحلية لمركز ومدينة أبوتشت عقب الافطار الجماعي، 'أيًا كان الأجر اللي احنا بناخده مكفي أو مش مكفي.. لازم نستحضر أن احنا بنعمل عمل خير وربنا يأجرنا عليه واننا نكون في خدمة عباده'.
كلمة محافظ قنا عقب الافطار الجماعي بأبوتشت
كلمة محافظ قنا عقب الافطار الجماعي بأبوتشت
وأضاف: 'وصيتي لكل حد فيكم الأمانة ومراقبة ربنا قبل ما حد يراقبنا.. ولو كلنا عملنا كده والله العظيم هيكون شغلنا في حتة تانية خالص.. وعاوزين نعطي صورة عن الإدارة المحلية إنها إدارة محترمة ونعمل شغل مظبوط ونتقنه ونتقي فيه ربنا.. فربنا يجازينا خير'.
وتابع: 'احنا كديوان عام المحافظة عارفين التحديات والصعوبات اللى بتواجهوها في الشغل سواء قلة الإمكانيات والأعداد القليلة ومطالب المواطنين الكتيرة.. ولكن احنا كل اللى بيوصلنا ونقدر نساعدكم بيه مش هنبخل عليكم بيه'.
وأردف: 'نبشر الزملاء بالإدارة الهندسية بتعيين دفعة من المهندسين والمهندسات بما لا يقل عن 9 في كل مركز للمساعدة في التصالحات والتقنين والمتغيرات والتراخيص.. بنحاول نحل مشكلة منظومة النظافة عشان اخواتنا اللى شغالين تبقي فيه شركات وتعاقدات وانتظام في الرواتب بتاعتهم'.
واستطرد: 'احنا أيدينا معاكم في المشاكل وبنحاول نحل.. والحمد لله عندكم قيادة متميزة هو الأستاذ سيد تمساح وهو من أفضل رؤساء المراكز وهو نبضكم اللى بينقلنا أي مشاكل عشان نتعامل معاها ونحلها'.
واختتم حديثه قائلًا: 'سعيد بأن احنا نجمع كأسرة عمل واحدة ونتمنى لكم التوفيق ونبقى دائمًا مجمعين مع بعض'.
وكان الدكتور خالد عبدالحليم محافظ قنا قد شارك مائدة الإفطار الجماعي التي نظمتها الوحدة المحلية لمركز ومدينة أبوتشت، في أجواء تسودها المحبة والتقارب الاجتماعي، وذلك بحضور اللواء أيمن السعيد، السكرتير العام المساعد للمحافظة، وسيد تمساح، رئيس مركز ومدينة أبوتشت، وجميع العاملين بالوحدة المحلية، إلى جانب عمال النظافة والخدمات.
تابعوا آخر أهل مصر على Google News
