لم تتوقف شكاوى أهالى عزبة 'محمد عوض' بمدينة القصاصين الجديدة بالإسماعيلية ، على مدار 23 من أزمة انقطاع المياه، وعطش المواطنين الذي أصبح يهدد القرية بالجفاف، بحسب سكانها الذين يضطرون إلى اللجوء إلى الآبار الجوفية التي تسبب في الأمراض المزمنة مثل 'الفشل الكلوي'.
أهالي عزبة محمد عوض
يقول أحمد ابو نصيري الصعيدي 32 سنه بعزبة محمد عوض التابعة لقرية الوادي الاخضر بمدينة القصاصين الجديدة التابعة للإسماعيلية: 'إحنا محرومين من المياة ولادي مخصصني الف اجيب مية بالكارو والبراويطه بنمشي 3 كيلو ومش لاقيين هنموت من العطش والمجلس بيجاسبنا علي العداد احنا والله اجربينا من قله المية احنا بنمشي 3 كيلو علشان نقطة مياه.. نعاني من العطش احنا اجربينا وهنموت من قلة المياه'.
أهالي عزبة محمد عوض
أما نورا عبد اللطيف، إحدى أهالي القرية، فتقول: 'مش لاقيين نطبخ والمواسير صدت من قلة المية بتيجي الساعة 2 بليل بالتنقيط يا نلحق النقه نملي منها يا لا فين حياة كريمة تشفنا ولا عزبة محمد عوض خارج الخريطة للإسماعيلية ولا ايه'.
ويعبر أحمد عثمان، أحد الأهالي: احنا بنغامر في رحلة البحث عن جركن المياة بنستحمي ونشرب مياة جوفية بتاعت المواشي، دا يرضي ربنا يامسؤلين اطفالنا جالها فشل كلوي من المياة الغير صالحة للشرب.
أهالي القرية
وتضيف أنعام رضا، إحدى الأهالي: ركبنا ماتور ضاعط مياة في أول البلد يضغط لنا علي نفقتنا الشخصية وياريت نافع في العاصمة الإدارية بيسقو الجناين بمية حلوا واحنا مش لاقينها بيقي دا عدل ارحمو اهل عزبة محمد عوض بقرية الوادي الاخضر احنا بشر مثلكم حنو علينا يامسؤولين.
أهالي عزبة محمد عوض
وقال كامل جمعة، أحد أهالي القرية: المواسير فيها فران من قلة المية بنشرب مية زرع بنروح القصاصين يقولو انتو تبع التل الكبير نرجع القصاصين يقولو هنشوف هنشوف لحد امتا مهمشين
ويناشد عاطف الرئيس السيسي ورئيس مجلس الوزراء يشوفو احنا عايشين ازاي في عزبة محمد عوض.
أهالي عزبة محمد عوض
أهالي عزبة محمد عوض
تابعوا آخر أهل مصر على Google News
