نعت فتاة بورسعيدية تدعى آية نبيل شقيقتها سلمى التي توفيت أثناء الولادة بكلمات مؤثرة على مواقع التواصل الاجتماعي، واتهمت آية الطبيب الذي أجرى عملية الولادة لشقيقتها بالتسبب في وفاتها.
وقالت الفتاة في المنشور :'أنا أختي كانت داخلة على رجليها زي الفل، ومش تعبانة من حاجة، والدكتور' خ . ن ' دا ربنا ينتقم منه عمل لها نزيف، فتح يشوف النزيف دا من ايه شال لها الطحال وموتها، ربنا ينتقم منه عشان اللي بيقوله مش صح'.
وأضافت الفتاة: 'يا وجع قلبي عليكي يا سلمي لسه صغيرة، ابنك بيقولي ماما فين أقوله ايه؟، مش بينام غير في حضنك، آه يا وجع قلبي، بموت والله أنا مش قادرة أكتب ولا أتكلم بس الكل لازم يعرف إنه كداب، حقها راجع مهما تهرب'.
وكتب شخص آخر منشور ينعى فيها الفقيدة سلمى نبيل، ويعزي زوجها: 'ربنا يصبرك يا أحمد، ويعينك علي تربية أولادك، لا حول ولاقوة إلا بالله العلي العظيم، البقاء والدوام لله وحدة، سلمي في ذمة الله، توفت وهي بتولد خطأ طبي، حسبنا الله ونعم الوكيل فيك يتمت عيالها الاتنين اللي لسه مولود واللي عنده ٥ سنين بيسأل عليها كل دقيقة، الدكتور ربنا ينتقم منه أثناء المتابعة طلب لها ٤ أكياس دم، وبالفعل تم في مستشفى الحياة ببورفؤاد، وخرجت وهي مضبطة الهيموجلوبين تماما من ١٠ أيام، واليوم دخلت على رجلها، والبست ابنها الثياب لحضور ولادتها، لكن الدكتور جرح الطحال وشاله من غير مايعرف أهلها وماتت، دي رابع حالة لنفس الدكتور وفاة المريضة نتيجة خطأ طبيب'.
تابعوا آخر أهل مصر على Google News
