محافظ بورسعيد: «عاوز تشتمني اشتم يا سيدي.. بس بالراحة على بلدكم في الميديا»

وجّه اللواء محب حبشي، محافظ بورسعيد، رسالة قوية لأبناء المحافظة، قائلًا: "بالراحة على بلدكم عشان بلادكم بتحبكم قوي والمفترض أنكم بتحبوها".

وأضاف المحافظ: "بالراحة على ولادكم وأخواتكم، أنتم ما بتصدقوا تسمعوا أي حاجة تبهدلوا الميديا، حرام عليكم نفسكم، بتشتموني ماشي، إنما بأطلب منكم ما تسيؤوش لولادكم، ما تدخلوش ولادكم في كلام صغير".

وعلّق حبشي: "عيب يا شعب بورسعيد الباسلة، أنتم شعب معروف بناتكم رجالة، ورجالتكم رجالة الرجالة، فعيب نتكلم على بعض في الميديا وما نصدق نأخذ إشاعة ونجري وراءها، ونقول كلام عيب في حق ولادنا".

وتابع محافظ بورسعيد: "النهاردة لو ست ولا راجل ولا طفل ولا ولد أو بنت انتحروا، أنتم مش هتشيلوا وزرهم".

واختتم اللواء محب حبشي: "عاوز تشتم المحافظ؟ اشتم يا سيدي، حقك تنتقد وانتقد براحتك، تعالى وقول لي يا فندم الحتة دي مش كويسة، تعالى قول لي يا محافظ يا اللي ما عملتش حاجة، تعالى الحتة دي اعملها، وأنا ما عنديش مانع. زي ما أنت عاوز إنما لا تسيء لولادي بعد إذنك، لأن من يوم ما توليت محافظ لبورسعيد وكلكم ولادي، فمش مسموح إنك تغلط في بنت أو في ولد من ولادي".

وأضاف: "سلوكياتنا صعبة، واحدة واحدة هنمشي. إحنا موجودين عشان نحل المشكلة، ولو ما كانش فيه مشاكل ما كانوش جابوني، أنا جاي عشان أحل المشاكل".