انفعلت ولية أمر أمام إحدى لجان الثانوية العامة بمحافظة بورسعيد عقب امتحان مادة الكيمياء، وتساءلت الأم: 'ليه بيجيبوا الامتحان صعب كده؟ و ليه بيصعبوا الدنيا على العيال؟ أنا من أول الامتحانات ما شوفتش مادة سهلة'.
الامتحانات كلها تريكات
وأضافت ولية الأمر: 'ما فيش مشكلة إن يبقى فيه تريكات اتنين، تلاتة في المادة، لكن الامتحان يبقى كله تريكات، من أول امتحان العربي، ما فيش ولا امتحان للقسم العلمي يقدروا يحصلوا على درجات عالية فيه'، مضيفة: 'حرام عليكم، مش فاضل غير الأحياء، هي دي اللي هترفعنا، دي هتدخل ولادنا كليات إيه؟'.
ولية أمر أمام احدى لجان الثانوية العامة ببورسعيد
وتابعت الأم: 'مادة الكيمياء جاءت صعبة، عايزة أعرف ليه الموجهين بيصعبوا الدنيا على أولياء الأمور، وعلى الطلاب. هم مش أولياء أمور زينا زيهم كده؟ مش حرام ها ندخل عيالنا بعد كده كليات إيه؟ ما فيش ولا مادة طلعوا قالوا عليها سهلة، حرام، اتقوا ربنا في العيال وأهاليها.'
ارحمونا ربنا يرحمكم
واختتمت الأم: 'إحنا مش بنجيب الفلوس بالسهل، إحنا بندي بالدرس والاثنين في المادة، لأن أصلاً ما فيش مدرسة بتدرس منهج، فارحمونا ربنا يرحمكم.'
تفاصيل امتحانات الثانوية العامة ببورسعيد
أعلن طاهر الغرباوي، مدير مديرية التربية والتعليم ببورسعيد، عن جاهزية تعليم بورسعيد لعقد امتحانات شهادة الثانوية العامة للعام الدراسي 2024–2025 التي ستنطلق الأحد الموافق 15 يونيو الجاري وتنتهي السبت الموافق 10 يوليو المقبل.
وأكد أن تعليم بورسعيد وقع مسبقًا مذكرات تعاون مشترك مع الأجهزة الأمنية والمديريات والهيئات المعنية، كل في مجال اختصاصه، للتعاون أثناء فترة أعمال امتحانات الشهادة الثانوية العامة، موجهًا الشكر لسعادة اللواء أركان حرب محب حبشي، محافظ بورسعيد، لدعم سعادته الدائم للتعليم والطلاب، ولجموع القيادات الأمنية والتنفيذية للتعاون المثمر بهدف نجاح العملية الامتحانية.
وأضاف مدير المديرية أن 6451 طالبًا وطالبة ببورسعيد يستعدون لأداء امتحانات شهادة الثانوية العامة من خلال 18 لجنة أساسية على مستوى المحافظة، لافتًا إلى أن المديرية أنهت تجهيز جميع مقرات اللجان واستراحات رؤساء اللجان والمراقبين والملاحظين، والبالغ عددها 10 استراحات بقدرة استيعابية تصل إلى 400 سرير.
وأشار إلى أن امتحانات شهادة الثانوية العامة ستُجرى من خلال 18 لجنة أساسية لخدمة 1564 طالبًا وطالبة بالشعبة الأدبية و3304 طلاب وطالبات بالشعبة العلمية و1440 طالبًا وطالبة بالشعبة العلمية رياضيات إلى جانب 85 طالبًا وطالبة بالمدارس الدولية، بالإضافة إلى 7 طلاب بمدرسة النور للمكفوفين بالمرحلة الثانوية.
وأضاف 'الغرباوي' أن تعليم بورسعيد يسعى لتحقيق معادلة التعامل الجيد مع طلاب شهادة الثانوية العامة وتوفير الأجواء الامتحانية الملائمة، والتعامل بهدوء وحكمة وضبط النفس وتغليب مصلحة الطلاب، متمنيًا للطلاب النجاح والتفوق وللقائمين على الامتحانات السداد والتوفيق.
تابعوا آخر أهل مصر على Google News
