تمكنت الأجهزة الأمنية في الإسكندرية من إلقاء القبض على سيدة خدرت فتاة داخل سيارة أجرة 'ميكروباص' متجه من الهانوفيل بالعجمي إلى منطقة المنشية.
وبضبط المتهمة تبين أنها مسجلة خطر، وضعت مادة يشتبه في كونها مخدرة في منديل والذي استنشقته الفتاة ما أدى إلى اختلال توازنها ما اضطرها الاستغاثة بالسائق ثم غابت عن الوعي.
وتداول رواد مواقع التواصل الاجتماعي عبر الإنترنت منشورًا منسوبًا لفتاة حذرت فيه من استقلال سيارات الأجرة الخالية من الركاب أو منفردين، مضيفة: 'أنا ركبت امبارح من الهانوفيل مشروع منشية والمشروع كان فيه 4 أفراد وبدأ يحمل من البيطاش والست دي ركبت من البيطاش، هي شكلها متسولة زي ما أنتم شايفين وقعدت في الكنبة اللي وراء خالص وبعدين جاءت قعدت جانبي رغم أن كان فيه أماكن كتير فاضية وخدرتني'.
واستطردت: 'جابت منديل على وشي ومالت عليّ، قالت لي ماتخافيش ماتخافيش، أنا لولا ستر ربنا بعدت بسرعة وقاومت لأني عارفة ريحة البنج، قلت للسواق على جانب ونزلت من المشروع من الخوف كنا كده وصلنا الورديان وأول ما حطيت رجلي على الأرض لاقيت نفسي شبه بتشل، جسمي بيبدأ ينمل ودماغي تقلت ومش عارفة اتكلم، لساني تقل قلت للسواق افتح الباب جانبك خذني جانبك هنا'.
وأضافت: 'وكان فيه واحد راكب جانبه، قلت للسواق أبوس إيدك خليك جانبي لحد ما أفوق أنا اتخدرت، قال اللي راكبة ورا دي؟ قلت له آه، قال لي اسمك إيه؟ قلت له آية، دي آخر حاجة قلتها والفون كان في إيدي وشنطتي وبجد ربنا يجازيه خير مسك الست هو واثنين من الركاب كانو شهود، وبجد محدش فيهم سابني لحد ما روحنا القسم ومن القسم للنيابة تاني يوم لحد ما الست اتحبست وطلعت سوابق ومسجلة'.
تابعوا آخر أهل مصر على Google News
