توصلت جريدة ' أهل مصر ' لصفحة الضابط الشهيد محمود البدري احمد، احد ضباط فوات الامن المركزي، الذي استشهد اليوم في مداهمة امنية للقبض على مجموعة من الخارجين عن القانون بمركز دشنا في قنا .
الشهيد ' محمود' من مواليد ٢٠٠٠ واستلم مهمته كضابط شرطة منذ عامين وبالتحديد في عام ٢٠٢٣.
اخر ما كتبه شهيد الواجب
توقف الشهيد عن النسر عبر مواقع التواصل الاجتماعي وصفحته الخاصة منذ استلامه العمل الشرطي وتضمن اخر منشور له على اخلاق ابن البلد والتي قال فيه :'
' المبدأ ده هيفضل في حياتي إن شاء الله لحد مموت'أي حد محتاج مني اي حاجه يكلمني وقلبه جامد من غير إحراج او كسوف ،كلمني بعشم و أعرف إنك بتكلم اخوك وكلنا بنكمل بعض وحتى لو هتكلمني مرة واحدة ف حياتك ومتعرفنيش تاني دي حاجه متزعلنيش خالص بالعكس أنا بكون مبسووط جدآ وشرف ليا ان ربنا جعلني سبب علشان أساعدك ، مش هقول انك بتاع مصلحتك أو عرفني علشان الخدمه وبس صدقني اللي هقدر أعمله هعمله ومش هتأخر ابدآ عليك لو في مكاني هعملها ومش هتاخر ولو طلبت عيني هتلاقيني وكلمني بعشم وأعرف انك بتكلم اخوك و كلنا بنكمل بعض
كان الله في عون العبد ما دام العبد في عون اخيه ❤️👮🏼♂️المعاون محمود البدرى احمد («الامن المركزى»)'
كانت قوات تابعة لأمن قنا قد شنت حملة مكبرة على مجموعة من الخارجين عن القانون، ولديهم سجل إجرامي في نجع عتمان بمركز دشنا، الا ان الحملة تعرضت لمقاومة تلك العناصر و إطلاق اعيرة نارية في اتجاه الحملة، ليحدث تبادل لإطلاق النار، حيث اسفرت الاشتباكات عن تصفية عنصر إجرامي وإصابة رائد ونقيب شرطة و استشهاد معاون محمود البدري احمد من أبناء محافظة سوهاج .
تابعوا آخر أهل مصر على Google News
