تداول رواد موقع التواصل الاجتماعي "فيس بوك" صورة لطالبة قفزت من سيارة أجرة "ميكروباص" أثناء سيرها، دون معرفة سبب ذلك.
ونشرت بعض الصفحات عبر "فيس بوك" أن فتاة في الصف الثاني الثانوي العام تدعى "حنين.أ.ز" قفزت من سيارة "ميكروباص" أثناء سيره بمنطقة السيوف، شرق الإسكندرية، أمام متجر "رنين" مصطفى كامل.
وأضاف المنشور أن الفتاة كانت تستقل السيارة منفردة دون وجود أي ركاب آخرين معها، ثم قفزت منها أثناء سيرها.
أخطر الأهالي قسم الشرطة، ونُقلت الفتاة بسيارة الإسعاف إلى مستشفى شرق المدينة لتلقي الإسعافات والعلاج اللازم.
وقالت إحدى شهود العيان على الواقعة: "يا جماعة أنا حضرت الواقعة كلها من الأول للآخر، والبنت نطت من العربية والعربية ماشية بسرعة، أكيد كان فيه حاجة، حاولنا نفوق البنوتة على قد ما نقدر، بس للأسف البنوتة مكانتش قادرة تتحرك".
وأضافت في تعليقها: "لازم تحقيق مع السواق عشان أكيد كان فيه حاجة، والبنت اتبهدلت من الوقعة جامد لدرجة إن كان فيه نزيف قوي جدًا من ودنها الشمال وجرح قوي في رأسها من الخلف، ونزيف من الأنف وخرابيش ناتجة عن الحادث".
وقالت أخرى: "البنت حالتها خطر وتحولت على الميري، حسبنا الله ونعم الوكيل".
فيما قال ماهر محمد عن حالتها: "كسر في الظهر ونزيف على المخ، ادعوا لها".
وأضافت رحاب معاذ: "البنت حالتها خطر يا ريت تدعوا لها"، فيما قالت أم زياد: "ربنا يشفيها وتقوم بألف سلامة عشان فيه سبب خلاها تنط من العربية وهي ماشية، وخصوصًا أنها كانت لوحدها في المشروع".
وتكهنت قائلة: "أكيد السواق عمل لها حاجة أو هي شافت أو حسن منه بغدر عشان كده نطت من العربية، ربنا يظهر الحقيقة عشان تاخد حقها، مفيش أمان خلاص، ربنا معاها وتقوم بألف سلامة يا رب".
تابعوا آخر أهل مصر على Google News
