«شقى سنين راح في دقايق».. حريق يلتهم شقة عريس قبل 3 أيام من الفرح بالشرقية

ترك شاب يُدعى محمود سليم، من أبناء محافظة الشرقية، رسالة مؤثرة عبر صفحته الشخصية على موقع التواصل الاجتماعي «فيسبوك»، بعد تعرض شقته لحريق التهم جميع محتوياتها قبل 3 أيام فقط من حفل زفافه، ما أثار حالة واسعة من الحزن والتعاطف بين المتابعين.

وكتب الشاب عبر صفحته: «الحمد لله على كل حال وقدر الله وما شاء فعل.. دي الشقة اللي بقالي سنين شغال وشقيان في الغربة عشان أعملها وأنزل أتجوز فيها».

وأضاف بكلمات مؤلمة: «شقى سنين والله راح كله قدام عيني في دقايق.. فرشي وفرش العروسة كله ساح في لحظات، وفرحنا بعد 3 أيام والله».

وأشار إلى: «طول عمرنا في حالنا ومابنبصش للي في إيد حد، ولما بنشوف خير عند أي حد بنقول ربنا يزيده أكتر وأكتر، واللي يعرفنا كويس عارف إننا كده الحمد لله».

واختتم حديثه قائلًا: «ربنا يصبرنا على البلاء، والحمد لله رب العالمين، وراضين بقضاء ربنا، وإن شاء الله يعوضنا خير».

وقد أثار منشور الشاب حالة من التعاطف الكبير بين المتابعين، الذين أعربوا عن حزنهم لما تعرض له بعد سنوات من الغربة والعمل، داعين الله أن يعوضه خيرًا ويجبر خاطره.