"شغال نجار والدنيا قفلت في وشه".. زوجة جامع الخردة المحتجز بعد تصويره: طلع يلم خردة يصرف منها على عياله

في زمن تحولت فيه كاميرات الهواتف إلى سياط تجلد الظهور، وقفت زوجة مكلومة من دمياط تبكي، وهي تصرخ في وجه مجتمع خذلها: 'يعني إيه الغلط إنه يشتغل في الخردة عشان يأكل أولاده بالحلال؟ لو قعدنا في البيت شهر، محدش هيسأل فينا!'

هكذا بدأت تروى زوجة ' رامى ' صاحب الفيديو المنتشر على مواقع التواصل الإجتماعي ' لم الخردة' ل أهل مصر مأساة زوجها الأسطى النجار الأرزقي الذي ضاقت به سبل العيش في قلاع صناعة الأثاث بدمياط، فقرر ألا يستسلم، وألا يمد يده طالباً الصدقة أو يسلك طريق الحرام.

من ورشة النجارة إلى "شوال الخردة".. حكاية كفاح حاصرها العوز

قالت الزوجة ، رامي ليس لصاً ولا مجرماً، بل هو أب وجد نفسه فجأة بلا عمل بعد أن أغلقت الورش أبوابها. وأمام متطلبات طفلين في عمر الزهور (طفل في أولى ابتدائي وطفلة في الحضانة) ومصاريف مدارس لا ترحم، لم يجد رامي سوى كرامته ليحتمي بها ، رفض التسول ، ورفض السرقة، وقرر النزول إلى الطريق الدولي ليجمع ما تجود به الأرض من 'فتات الخردة'.. زجاجات بلاستيكية فارغة، أو علب كانز ملقاة، لعله يعود في نهاية اليوم بـ 30 أو 40 جنيهاً، يشتري بها خبزاً لصغاره وهو مرفوع الرأس.

'

كاميرا قاسية" تكسر عين غلبان

وأضافت الزوجة لكن رحلة السعي الشريف انتهت بصدمة لم تكن في الحسبان. تفاجأ رامي بـ 'برجل ' يوجه إليه كاميرا هاتفه مستجوبه بقسوة، : 'أنا شايفك من بعيد.. بتعمل إيه؟ وبصفتك مين تلم خردة؟!'

بأدب وانكسار ، رد رامي تلقائياً: 'بلم الخردة والحاجات اللي واقعة من الأرض'. لكن الإجابة لم تشفع له عند صاحب الكاميرا الذي واصل إهانته قائلاً: 'هات اللي في إيدك ده وغور من هنا.. مشوفش وشك تاني!'.

بانكسار ، فتح رامي شواله البسيط ليثبت براءته وعزة نفسه قائلاً: 'أهو.. أنا مبكدبش'، ليمضي في طريقه مكسور الجناح. 

براءة على الطريق.. واحتجاز في المركز

و تابعت الزوجة المنهارة 'مرافق الطريق الدولي فتشوه وملقوش معاه أي حاجة وقالوا له روح.. لكن تاني يوم، المخبر جه خده من البيت ورايح المركز من يوم الخميس ولحد دلوقتي مجاش! المحامي راح النيابة والمركز وقالوا لسه مفيش قرار بموقفه.. حسبي الله ونعم الوكيل في اللي صوره وخرّب بيتنا'

وتتساءل الزوجة بمرارة :'أولاده الغلابة دول هيصرفوا منين؟ معندناش أهل يسألوا علينا ولا حد هيدينا جنيه.. جوزي غلبان بيسعى على 30 جنيه عشان يأكل أولاده ويدخلهم المدارس، بدل ما الناس تنصفه، يتم القبض عليه ويتحبس؟!