استغاثت باحثة دكتوراه بمحافظة بنى سويف، من تعرضها للعنف والزج بها داخل إحدى المصحات النفسية، وذلك لمحاولة الاستحواذ على ورثها بعد وفاة والدها، وذلك وفقاً لما ذكرته على صفحتها الشخصية.
باحثة دكتوراه ببني سويف تستغيث
وقالت: 'أنا هايدي عندي ٢٧ سنة مخلصة حقوق ومعايا ماجستير وبحضر دكتوراه، بعد وفاة والدي الدنيا اتقلبت رأسا على عقب، الف رحمه ونور عليه.. حبيت شخص، وبعد ما وافقوا قالوله مش هنجوزهالك، وضحكو عليا وقالولي احنا موافقين وهنكتبلك القايمة، فجأة لقيت اتنين داخلين عليا أوضتي بيدعو أنهم في الداخلية، قعدت أصوت وأنادي على ماما تلحقني، مكنتش اعرف أنها هي اللي جيباهم، فجأة طلع من جيبه مخدر، ماما كتفتني وكتمت نفسي واختي زقتني عليهم، وابن عمي ساعدهم، صحيت لقيت نفسي في مصحة في القاهرة'.
وأضافت: 'مشرفة المصحة بتقولي احنا هنقعدك مع دكتور نفسي وقعدت مع دكتور نفسي حكيت له اللي عملوه قالولي دي مشكلة عائلية إنتي مش مريضة'.
دخلونى مصحة نفسية
وتابعت قائلة: 'أخويا كان عاوز شهادة اني مريضة عشان يحجر عليا قانونا بس ربنا أراد ونصرني والدكتور قال كلمة حق.. لاقيته جايلي زيارة ومعاه عقد وبيقولي امضي عاوز يبيعني شقتي اللي في البلد قولتله مش همضي غير وفلوسي في إيدي حتى لو هتحبسني هنا العمر كله.. سابوني شهر كامل جسمي اتقطع حرفيا واتبهدلت حساسيه من اللي حواليا'.
لو اختفيت اتأكدوا ان أهلي أذوني
وأكملت: 'أختي كلمتني قبل الشهر ما يخلص قالت هنبعتلك موظف من الشهر العقاري عشان تتنازلي عن شقة بني سويف وننقل القاهرة'.
وتابعت: 'لو اختفيت اعرفوا ان أهلي عملو فيا حاجة أنا ماليش حد يحميني بعد ربنا، لو اختفيت اتأكدوا إن أهلي أذوني'.
تابعوا آخر أهل مصر على Google News
