«كنت باخده 700 جنيه.. وأهلى ملهمش علاقة ».. أول ظهور لبطل المصارعة المختفي زياد أبو جبل

أوضح بطل المصارعة المصري المختفي زياد أبو جبل، فى أول منشور له على 'فيسبوك'، سبب اختفائه وعدم العودة مع فريقه إلى أرض الوطن.

المصارع المختفي زياد أبو جبل

وقال أبو جبل: 'عايز اقول لأبويا وأمي ما تزعلوش مني أنا عملت كده علشان أبقى في نظر نفسي راجل، مش هرجع مصر إلا وأنا مشرفها'.

وأضاف: أنا تعبت أبويا معايا وكلفته كتير وهو معاه سبع اخوات غيري وما كنش ينفع غير إني أرجع مصر ومعايا المدالية وإن شاء الله هيحصل.. أطمنكم إن شاء الله راجع مصر وأنا بطل ومشرفها'.

اتولدت مصارع وهعيش مصارع

وتابع: أنا سفروني لوحدي من مطار القاهرة إلى سلوفاكيا وما حدش معايا من البعثة وما كانش في دماغي حاجة واتصلت بيهم وروحت على البطولة ولعبت وأنا كنت مصاب في الضلع اليمين وأصريت ألعب علشان أحقق حلمي وأجيب ميدالية لمصر'.

وأردف: 'أنا كل اللي باخده في الشهر 700 جنيه وأنا لاعب دولي هيعملوا إيه ولا إيه ولكن أنا المسئول عن القرار ده بعد الضغوط دي كلها ما كنش ينفع أرجع تاني أنا اتولدت مصارع وهعيش مصارع'.