في ذكرى لا تُنسى من تاريخ مصر، وجّه محافظ قنا رسالة إلى الشباب، مؤكدًا أن انتصارات أكتوبر ليست مجرد صفحات تُدرّس داخل الكتب، وإنما واقع عاشه المصريون وقدموا خلاله التضحيات من أجل استرداد الأرض ورفع راية الوطن.
احتفالات انتصارات أكتوبر في قنا
وقال محافظ قنا، خلال مراسم وضع إكليل الزهور على النصب التذكاري لشهداء المحافظة، بمناسبة الذكرى الـ53 لانتصارات أكتوبر المجيدة: التاريخ اللي بتدرسوه في المدارس ده واقع وحصل، ومن كل أسرة مصرية كان فيه تضحيات عشان نصر أكتوبر.
وأضاف موجّهًا حديثه إلى الشباب: كل سنة في الميعاد ده نفتكر عزة مصر ونصرها واستردادها لأرضها، وإنتوا اللي هتشيلوا الراية يا شباب، وإنتوا اللي هتحافظوا على أرضكم.
وتابع: مع مرور الوقت تبقوا عارفين حقكم وأرضكم وتاريخكم وتتمسكوا بيه، وأوعوا تنسوا تاريخ بلدكم، وأوعوا تنسوا حقكم وأرضكم.
وأكد المحافظ أن إحياء ذكرى انتصارات أكتوبر يمثل فرصة لتذكير الأجيال الجديدة بتضحيات المصريين وبطولاتهم، وترسيخ قيم الانتماء والاعتزاز بتاريخ الوطن، حتى تظل تضحيات الشهداء حاضرة في وجدان الشباب والأجيال القادمة.
تابعوا آخر أهل مصر على Google News
