محاكم الأسرة في أسبوع.. عزة: "أمه عاوزاه يجيب لي ضرة".. محمد: "مراتى هربت مع عشيقها وأخذت ابني معاها"

أبرز قضايا محاكم الأسرة في أسبوع، شهدت محاكم الأسرة العديد من قضايا الخلع والطلاق خلال هذا الأسبوع، باختلاف الأسباب والدوافع، أبطال هذه القصص أشخاص عاديون، ولكن كتب لهم القدر أن تسجل أسمائهم فى سجلات القضاء.

وترصد 'أهل مصر' أغرب القضايا التى طرأت على محكمة الأسرة هذا الأسبوع.

وفاء: 'مفجوع ومفيش في حياته غير الأكل'

تقدمت وفاء بدعوى قضائية أمام محكمة الأسرة لرفع دعوى خلع من زوجها بعد ٣ سنوات من الزواج مبررة ذلك بقولها: 'إنسان عديم المشاعر، ميعرفش يتعامل ازاى مع واحدة ست، ولا يحس بيها، طول الوقت مافيش حاجة شغالة دماغه غير الأكل، وعايز كل الناس اللى حواليه زيه يشاركوه في اهتمامه بالأكل، لحد ما حسيت انى عايشة مع شخص لا يطاق حتى العلاقة الزوجية لو مكنتش أنا اللى اشجعه وأطلب منه ولا يقرب منىوالحمد لله ربنا مكرمنيش بخلفة، عشان اقدر أطلق منه وأعوض السنين اللى عشتها معاه'.

عزة: "أمه عاوزاه يتجوز عليا ويجيب لي ضرة"

من أول ما اتجوزنا وحماتى دايما فى خناق، بسبب الغيرة معايا، على الرغم إنى بعاملها بمنتهى الأخلاق، لكن هى عايزة تثبت إنى محدش أحسن من بناتها، وبدأت تخترع مشاكل من تحت الأرض لحد ما فى يوم أقسمت بالله أنه يتزوج تانى ويجيب لى ضرة تعيش معايا'.

جاءت هذه الكلمات على لسان عزة وهى داخل محكمة الأسرة لرفع دعوى خلع من زوجها بعد عامين ونصف من الزواج مبررة استحالة العشرة معه.

محمد: "مراتى هربت مع عشيقها وأخذت ابني معاها"

'أنا مش عايز حاجة من الدنيا غير ابنى، وهى مع السلامة، مش محتاجها دى خاينة كانت على علاقة بواحد وهى كل يوم فى حضنى، وبتمثل عليا الحب عشان اشترى لها دهب، وفى الاخر انتهزت فرصة سفرى وهربت مع عشيقها وأخدت ابني معاها، وللأسف مش لاقي ليها مكان ولا أعرف هى فين، لكن اكتشفت أنها رفعت عليا دعوى خلع، ولما تواصلت مع المحامى الخاص بها رفض يقول لى مكانها'.. كلمات نطق بها محمد على وقلبه يعتصر من الحزن على ابنه الذى لا يتعدى 4 سنوات بعد أن عاد إلى المنزل ليكتشف هرب زوجته مع عشيقها ومعاها طفلها الصغير، مما جعله يرفع دعوى إسقاط الحضانة ويتهمها بالزنا..

رقية: "لقيت لجوزي فيديوهات إباحية بيبتزّ بها الستات وبيقول ده رزق"

مش قادرة أصدق اللى شوفته بعنيا، وعمرى ما تخليت انى أشوفه فى فيديوهات جنسية، وكمان بيهدد الستات اللى متصور معاهم عشان يبعتوا ليه فلوس مقابل عدم نشر الفيديوهات، كل دا شوفته واتأكدت منه، أنا كنت عايشة مع مجرم استحالة يكون إنسان عنده ذرة أخلاق، ولما واجهته حاول يقنعنى أنه رزق ومكسبه حلو، بقيت بقرف أبص فى وشه، ومش طايقة أبص فى وشه'.

جاءت هذه الكلمات على لسان رقية (اسم مستعار) وهى داخل محكمة الأسرة لرفع دعوى خلع من زوجها مبررة استحالة العيش معه.

غادة: "عايز يمارس معايا العلاقة قبل الفرح"

لم تستطيع غادة تحمل استكمال مشروع الزواج الذي لم يدخل بها حتى الآن وتوقف عند 'كتب الكتاب'، لتطلب خُلع زوجها، بعد أن قام بإرسال صور إباحية لها ليشجعها على قبول ممارسة العلاقة الزوجية معه قبل الزواج بعام، لترفض وبعد مشاجرات كثيرة بينهما، تقف داخل محكمة الأسرة لرفع دعوى خلع قبل إتمام الزواج مبررة ذلك بقولها: 'كل هدفه إنه ينام معايا وبس قبل الزواج عايز يكسر عيني، وأعيش في ذل معاه لكن استحالة أقبل بكدا، لأني بحترم أهلي وأخلاقي متسمحش بكدا والحمد لله والدي لما عرف اللى حصل أصر على الخلع'.