اعلان
اعلان

قضايا الأسرة في أسبوع.. علي: زوجتى رفعت صوتها عليا وخبطتني بعصاية المقشة.. فاطمة: اغتصبني ليلة الدخلة

محكمة الأسرة
محكمة الأسرة

شهدت محاكم الأسرة هذا الاسبوع العديد من قضايا الخلع والطلاق والنشوز، بأختلاف الأسباب والدوافع، أبطالهذه القضايا اشخاص عاديون مثلنا ولكن كتب لهم القدر أن تسجل أسماءهم في سجلات القضاء.

وترصد" أهل مصر " أبرز هذه القضايا خلال هذا الأسبوع.

أميرة فى دعوى الخلع: مثل عليا الأخلاق وهو بيجيب بنات في شقة مشبوهة

كان عايش فى دور القدوة وبعيب على كل الناس اللى حواليه، حتى أنا عرف يضحك عليا كويس جدا، لما يوهمني إنه زوج مثالى، واكتشف إن ليه علاقات ومعاه شقة بيقابل فيها ستات هو وأصحابه عشان مزاجهم، عشان كدا ربنا كشف سترهم ووقعت الرسائل فى ايدي عشان يرفع الغمامة اللى كانت على عنيا'، بتلك الكلمات بدأت أميرة قصتها وهى داخل محكمة الأسرة لرفع دعوى خلع من زوجها بعد 3 سنوات ونصف من الزواج مبررة بذلك استحالة العشرة معه.

علي: رفعت صوتها عليا وخبطتني بعصاية المقشة

خلاف دار بين زوج وزوجة داخل شقتهما أحدث بينهما انفصال وجعل أسماءهم تكتب داخل سجلات القضاء، حيث تطور الخلاف بين 'علي' اسم مستعار وزوجته إلى مشاجرة بينهما مما جعل زوجته تتجرأ عليه وترفع صوتها وتقوم بخبطه بالعصا، مما جعل زوجها يقف داخل محكمة الأسرة لرفع دعوى تطليق بعد عام وشهر من الزواج فقط مبررا ذلك بقوله: 'أنا عمري ما حاولت أمد إيدي عليها دايما مهما عصبتني أخري بيكون ازعق لكن هي

وصلت أنها تخبطني بعصاية المقشة وتمسك فيا يبقى استحالة تقعد على ذمتي'.

أسماء: رفض يدينى 15 جنيها مواصلات أزور أمى في العناية المركزة

مش بيحب أهلى من غير أى سبب، ولا انهم يزورنا او نروح عندهم على الرغم انهم بيحبوه جدا وبيتعاملوا معاه كويس وانا كمان بحترم أهله وبتعامل معاهم بما يرضي الله، وكنت بحاول معاه انى أصل الرحم معاهم وارضيه على قد ما أقدر، لكن والدتى تعبت جدا ومقدرتش انى اقعد فى البيت وكلمته بهدوء انى لازم أروح أشوفها لكن وصلت به القسوة أنه يرفض يدينى 15 جنيه أروح بيها مواصلات'.. نطقت أسماء بهذه الكلمات وهى داخل محكمة الأسرة لرفع دعوى خلع من زوجها.

ولاء: "جوزي بيقولي غصبوا عليا عشان أتجوزك"

لم تتخيل ولاء أن حياتها ستكون جحيما بهذا الشكل بعد الزواج، وتجد نفسها تعيش مع إنسان بارد المشاعر وقاسي المعاملة، لتكتشف أنه كان يريد أن يتزوج فتاة قبلها كان على علاقة معها، ولكن أهله رفضوا لسوء سمعة الفتاة وعائلتها، لتكون هى من نصيبه وقدره، ليعيشان عاما ونصف سويا تحت سقف بيت واحد، قبل أن تنتهى بينهما الحياة وتقف الزوجة داخل محكمة الأسرة لرفع دعوى خلع واخرى للمطالبة بالمنقولات الزوجية، بعد أن رفض تطليقها خوفا من أن تحصل على حقوقها.

فاطمة: اغتصبني ليلة الدخلة.. وعشت أسوأ 10 شهور في حياتي

'جوزى همجى بمعنى الكلمة، مش عارفة ازاي مكنش ظاهر عليه في الخطوبة، وكان بيمثل الطيبة والاحترام وهو أساسا ميعرفش عنهم حاجة، من أول يوم فرحنا واتعامل معايا بطريقة همجية، واتحملت ورفضت أتكلم قدام حد عشان الإحراج، لكن لقيته فى كل حاجة كدا مش بس العلاقة، طول الوقت شتايم قذرة على أتفه الأسباب، لحد ما فاض بي الكيل من الوجع الجسدي والنفسي'، نطقت بهذه الكلمات فاطمة وهى داخل محكمة الأسرة لرفع دعوى خلع من زوجها بعد 10 أشهر من الزواج مبررة استحالة العشرة معه.

مصطفى: مراتي كل شوية تسيب البيت عشان باكل مع والدتي المريضة

تعبت معاها جدا ومن غيرتها لأمي المريضة، يعنى أمي رفضت أنها تيجى تعيش معانا بسبب معاملة مراتي ليها وتحسسها أنها تقيلة ومش مقبولة وعشان مزعلش حد منهم خليت والدتي في شقتها في الدور اللي تحت في نفس العمارة اللي ساكن فيها، وجبت ليها واحدة تساعدها عشان طبعا مراتي اتحججت أنها مش قادرة، كل دا وكمان بتزعل لما أروح أكل مع أمي عشان مسبهاش لوحدها تعمل حوار وتسيب البيت'.. جاءت هذه الكلمات على لسان مصطفي وهو داخل محكمة الأسرة لرفع دعوى نشوز ضد زوجته.

WhatsApp
Telegram
إقرأ أيضاً
عاجل
عاجل
يديعوت أحرونوت: إدارة بايدن تدرك أن نتنياهو لا يستطيع قيادة إسرائيل