ميدو لـ مرتضى منصور بعد مهاجمة وزير الرياضة: "فتح الصدر بيودي في داهية"

حرص النجم أحمد حسام ميدو، نجم نادي الزمالك السابق، على توجيه بعض النصائح للمستشارمرتضى منصور، رئيس القلعة البيضاء، بعد هجوم الأخير على وزير الشباب والرياضة أشرف صبحي.

ونشر ميدو عبر حسابه الرسمي على 'تويتر':'اذكر المستشار مرتضى منصور بإن اللي دخلك في مشاكل كبيرة في ٢٠٠٥ هما المطبلاتيه اللي كانوا حواليك اللي كانوا بيحاولوا يستفيدوا منك وكانوا بيصدرولك المشاكل مستغلين طبيعة شخصيتك..انت عملت حاجات كويسه كتير ماتخليش الناس اللي بتستفيد من نادي الزمالك بس وتمص دمه تحاول توقعك مره تانيه'.

وأضاف:'وجودك على رأس ادارة نادي الزمالك مهم جدا في التوقيت الحالي وحتى في المستقبل القريب!! وجودك صداع في راس الناس اللي بتحاول تهد نادي الزمالك منذ سنوات!! لازم تحافظ على مكانك بابعاد اصحاب المصالح من حولك من يعطوك النصيحة الخطأ ويقولون لك نعم وامين فقط من اجل مصالحهم الشخصية'.

وتابع:'فتح الصدر بيودي في داهية وانت اكتر واحد عارف كده..مفيش حد كبير في البلد دي وانت اكتر واحد عارف كده!! حسني مبارك الله يرحمه ورجالته كلهم اتحبسوا.تاني خلي بالك لازم يكون حواليك على الاقل واحد بيقولك لا ده غلط..نصيحتي ليك انا عارف انه ابنك الصغير بس دائما قبل ما تتحرك اسمع كلام أمير'.