الشناوي: سأرحل من الأهلي في هذه الحالة (فيديو)

أكد النجم محمد الشناوي، حارس مرمى الفريق الأول لكرة القدم بنادي الأهلي، أنه سيرحل عن القلعة الحمراء في حالة وصول أي عرض أوروبي له.

وقال الشناوي في تصريحات تليفزيونية:'حصل فعلََا إن كان عندي عقد خرافي بعد كأس العالم ولم أتناقش فيه من الأساس لحرصي على إستكمال مسيرتي بالنادي الأهلي'.

وأضاف:' أنا عشت في النادي الأهلي من صغري، الأهلي بيتي، أنا متربي في استراحة النادي الأهلي، صعب انسي الحاجات دي وامشي، حتي كابتن وليد سليمان كان بيتكلم معانا من يومين، وانه عايز يعتزل في الأهلي'.

وتابع الشناوي:' أنا كنت بحلم إني أكون نجم وأكون ليا شأن في الكرة والنادي الأهلي هو اللي خلاني كده، صعب أبيع كل ده بمجرد مقابل مادي، أنا مش هخرج من الأهلي لا في مصر ولا خليج ولا غيره'.

واختتم:' لو إحتراف خارجي وبموافقة النادي ممكن، غير كده لأ، أنا في الأهلي وبقول كلامي على الهوا دلوقتي، أنا بحلم بالإعتزال في الأهلي ومش هلعب غير للأهلي'.

ويذكر أن الأهلي رحل منه 3 لاعبين وهم أحمد فتحي ورمضان صبحي وشريف إكرامي، خلال الفترة الأخيرة.