رفض محمد مجدي أفشة نجم نادي الأهلي، حملة الهجوم على محمود عبدالرازق شيكابالا لاعب الزمالك.
وقال أفشة خلال لقاء خاص ببرنامج "كلمة أخيرة"، الذي تقدمه الإعلامية لميس الحديدي على شاشة "ON": "أنا ضد ده تماما، ومش فاهم سواء أنا لعبت حلو أو وحش؟ أنت استفدت إيه لما قلتلي أمك وأبوك؟ مش دورك تقيم لاعب فيه مدير فني هو اللي بيدير الأمر".
وأضاف: "بزعل من بعض المحللين على القنوات اللي بيهاجموا وهما مش مدربين أصلا، هما ناس كبار وعلى دماغي وأنا أصغر منهم، بس مش من حقهم يقولوا اللاعب ده ماينفعش هنا أو هنا".
وأكمل أفشة حديثه: "في نقد بيوجع ومؤلم وإحنا لينا أهل بيتفرجوا على المحللين لو اتكلموا عليا كويس هينبسطوا، ولو انتقددوني بشكل منطقي وعلمي محدش هيزعل، لكن لو بقيتوا أوفر وتعديتوا الحدود أهلي وقرايبي هيزعلوا أكيد".
وواصل: "اللي ينتقدني بشكل كويس هسمعه وهاخد رأيه وهتعلم منه، لو غير كده مش هسمع".
ووجه رسالته لبعض المتعصبين بين جماهير الأهلي والزمالك بشأن شيكابلا، قائلا: "أتمنى مايحصلش تاني، ومش بحب الحاجات دي أصلا اللي فيها إساءة للأهل والأم".
تابعوا آخر أهل مصر على Google News
