رفض ربيع ياسين، المدير الفني لبتروجت ونجم الأهلي الأسبق، فكرة اختيار محمد الشناوي للمشاركة في أوليمبياد طوكيو، رافضًا رحيل بيتسو موسيماني، المدير الفني للقلعة الحمراء عن الفريق.
وعن المنتخب الأوليمبي، أوضح: "يجب على شوقى غريب ضم محمد صلاح وأحمد حجازي، بس أنا ضد اختيار محمد الشناوي، لازم محمد صبحى ياخد فرصته".
وأضاف ياسين: "موسيمانى ماشي بخطى ثابتة، رغم أن الأداء غير مرضي لجمهور الأهلي، وبطولة افريقيا لن تكون سهلة، البطل لازم يكون مستعد".
وأوضح ربيع ياسين: " موسيمانى لازم يكمل في الأهلى حتى لو الفريق خرج من دور الثمانية، الأهلي لا يتعامل بالقطعة".
وعن رأيه في محمود كهربا، قال: "ليه دماغ تانية، ولازم موسيماني يحتويه نفسيًا ويديله مباريات في الأوقات المناسبة، وباذن الله يبقى مطيع لأنه موهوب".
وعن رأيه في أداء مروان محسن مهاجم القلعة الحمراء أضاف: "مروان محسن لازم يكمل في الأهلي، لأنه لما بياخد فرصة بيثبت نفسه، وحسين الشحات لسه قدامه كتير في الأهلي".
وعن إمكانية حصد بيراميدز للبطولات علق: "صعب ياخد بطولة بالمستوى اللى احنا بنشوفه حاليًا".
وبسؤاله عن خليفته في الملاعب قال ربيع ياسين: "محمد عبد الوهاب الله يرحمه".
تابعوا آخر أهل مصر على Google News
