«الخطيب» للاعبي الأهلي بعد ضياع الدوري: «نتعثر في بطولة كل فترة ونعود أقوى»

أكد محمود الخطيب رئيس مجلس إدارة النادي الأهلي، شعوره بالفخر بلاعبيه برغم خسارة القلعة الحمراء للقب الدوري المصري الممتاز.

واجتمع الخطيب بلاعبي الأهلي وجهازه الفني بقيادة بيتسو موسيماني بملعب 'خالد بشارة' عقب تعادل القلعة الحمراء مع الجونة بنتيجة 3-3، ضمن منافسات الجولة الـ33 من بطولة الدوري المصري الممتاز.

وقال الخطيب: 'انتوا أبطال إفريقيا مرتين، انتوا أبطال السوبر، انتوا تالت العالم، انتوا أفضل مجموعة لعيبة في إفريقيا'.

وأضاف: 'الجمهور فخور بيكم وعارف وشاهد على كل حاجة حصلت، ياما فرحتوا الجمهور ودلوقتي له حق عليكم أنكم ترجعوا تفرحوه تاني'.

وأكمل: 'الجمهور ده هو شريكنا وهو شريك في أمجاد الأهلي من 1907 هو ده تاريخ الأهلي واللي الناس فخوره بيه'.

وتابع: 'الأهلي كل كام سنة في حاجة بتعدي'.

واستكمل: 'احنا قصرنا معاكم احنا كان لازم نحتفل بالعاشره والسوبر والبرونزيه وعشان انتوا تستحقوا ده احنا هنعملكم احتفالية'.

وشدد: 'ابدأوا اجهزوا واستعدوا للجاي انتوا اسمكم اتحفر في تاريخ الأهلي وكلمة الأهلي دي كبيرة اوي'.

وأتم: ' أحنا مقدرين مجهودكم ومن بكره الصبح الناس تفكر نقدر نعمل ايه في الجاي بإذن الله.. هنقرأ الفاتحه ونوعد بعض ان الجاي كله هيكون أحسن'.