حسين لبيب في تصريح ناري: "الزمالك الفترة اللي فاتت كان عايش على فلوس تركي آل الشيخ"

أعرب الإعلامي عمرو أديب، عن استيائه من كثرة المشكلات في نادي الزمالك بعد تتويج الفارس الأبيض ببطولة الدوري العام.

قال عمرو أديب خلال برنامج 'الحكاية' المذاع على قناة 'إم بي سي مصر':' فيه فورتينة غريبة بتحصل في الزمالك من يوم ما أخد بطولة الدوري، إزاي الفرقة اللي ما خدتش الدوري اللي هي الأهلي يكون عندها هدوء واستقرار والفرقة اللي أخدت الدوري عندها فورتينة؟ الزمالك مش عارف يعمل حفلة الفوز بدرع الدوري، والأهلي عمل حفلات على بطولات تانية، ومش معاه فلوس يسدد مستحقات اللعيبة ومشاكل مع اتحاد الكورة ووقف قيد'.

ووجه عمرو أديب، سؤالًا على الهواء للكابتن حسين لبيب رئيس نادي الزمالك، قائلًا: 'ليه الزمالك دايمًا مديون وعنده مشاكل والأهلي معاه فلوس وبيشتري لعيبة والدنيا جميلة؟ إزاي الراجل اللي أخد الدوري يتشتم والخطيب الناس بطبطب عليه”، ليرد لبيب: 'أنا ما أعرفش'.

وقال حسين لبيب:'عندي إحساس وكأننا خسرنا كل البطولات، أنا ما عرفتش أفرح ببطولة السوبر الأفريقي لكرة اليد، وفيه تكسير لنادي الزمالك في جميع اللعبات مرة واحدة وفيه ناس مبسوطة من مشكلات الزمالك، وشائعات هروب كارتيرون ومشكلات اللاعبين'، مضيفًا الزمالك منذ فترة لا يحصل أموال إيجارات المحلات وفلوس الرعاية متأخرة، والفترة اللي فاتت كان النادي عايش علي فلوس تركي آل الشيخ'.