هجوم شديد من ميدو على لاعبي الزمالك بسبب خماسية الأهلي: "لازم ناخد الدوري"

شن أحمد حسام ميدو نجم الزمالك السابق، هجوما عنيفا على لاعبي الفريق الأبيض، بعد الخسارة من الأهلي بـ 5 أهداف، في المباراة التي أقيمت بينهما بالأمس على ستاد القاهرة، ضمن الجولة الثالثة من بطولة الدوري المصري.

وكتب ميدو عبر صفحته الرسمية على موقع التواصل الاجتماعي 'تويتر': 'صباح الخير على الجميع.. مبروك للأهلاوية يستحقوا فرحتهم بفريقهم، كانوا نازلين مركزين وعندهم game plan واضح وتعليمات واضحة من مدربهم، اللاعيبة بينفذوها بكل تفاصيلها عكس لاعبي الزمالك اللي لازم معظمهم يبصوا في المرايه كويس ويسألوا نفسهم هما يستحقوا شرف اللعب للزمالك ولا لأ'.

وأضاف لاعب الزمالك السابق: 'أكيد كارتيرون عنده أخطاء زيه زي أي مدرب بيصيب وبيخطئ، ولكن أسهل حاجة إلقاء اللوم على المدرب، اللاعيبة لازم تراجع نفسها وتعرف أن مفيش أي حاجة هتعوض جمهور الزمالك عن الإحراج اللي كلنا عيشناه امبارح إلا الفوز بالدوري السنة دي'.