مرتضى منصور عن قطاع الناشئين بالزمالك:"كله هيلعب سواء أمه حلوة أو وحشة" (فيديو)

قال مرتضى منصور، رئيس نادي الزمالك: 'في غيابي اللي أمه حلوة في الناشئين كان بيلعب.. بس من النهاردة اللي أمه وحشة كمان هيلعب'.

وخلال مؤتمر صحفي داخل مقر النادي، تابع منصور: 'أنا مش راجع أصفي حسابات.. أنا بصفي وساخات.. وهصفي الوساخات كلها.. دا في واحد غير 3 مدربين عشان ابنه يلعب.. الكلام ده مش هيحصل في عهد مرتضى منصور، واللي مش عجبه يشرب من الخرارة'.

ووصل منذ قليل مرتضى منصور رئيس مجلس إدارة نادي الزمالك إلى مقر القلعة البيضاء، لمباشرة عمل المجلس بعد قرارة عودته وإنهاء عمل الجنة المؤقتة.

وشهد وصول مرتضى إلى مقر نادي الزمالك استقبالا حافلا من أعضاء الجمعية العمومية والفرق الرياضية بالنادي والسيدات اللاتي هتفن «العو أهو» و«الأسد أهو» وسط «الزغاريد».