أبدى الإعلامي عمرو أديب، غضبه الشديد من تنظيم انتخابات نادي الزمالك، والاشتباكات بين أنصار مرشحي لرئاسة النادي مرتضى منصور وأحمد سليمان اليوم.
وقال أديب، خلال برنامجه «الحكاية» على شاشة «mbc مصر»، مساء الجمعة: 'انتخابات الزمالك شهدت أمرًا مسيئًا لصورة نادي الزمالك.. أعضاء الزمالك المفروض إنهم صفوة المجتمع ودول ناس عندهم قدر عال من التعليم والتحضر لكن بصرف النظر عن المخطئ لكن هل ده شكل نادي الزمالك'.
وأضاف: 'فيه ستات اتهرست في الأرض وألفاظ مقدرش أعرضها.. هل المنافسة حامية الوطيس أوي كده.. النادي شهد خناقة على صلاة الجمعة.. هل ده شيء ينفع'.
وأكمل مخاطبًا جماهير الزمالك: 'مش عاوز أقول كلمة تجرحكم كان فيه انتخابات تانية زي الفل محصلش فيها أي حاجة واتعملت بشكل متحضر'.
وأكمل حديثه مهاجمًا مرتضي منصور: 'هو فيه رئيس يمشي بالمايك طول النهار يقول للناس تعالوا كده، ستات تنضرب وشتيمة والقباحة لا يمكن يكون دول اعضاء نادي الزمالك..الست اللي انضربت عملت ايه؟..ايه شكل الورق اللي في الأرض ده؟..ده شكل انتخابات؟..منظر مش مشرف
ووقعت اشتباكات حادة بين أنصار سليمان ومرتضى خلال انتخابات مجلس إدارة النادي الأبيض، التي بدأ فرز أصواتها - وقت كتابة هذه السطور.
تابعوا آخر أهل مصر على Google News
