قال الكابتن رضا عبدالعال، نجم الأهلي والزمالك منتخب مصر السابق، إن النجم المصري محمد صلاح صاحب الكلمة العليا على كارلوس كيروش في المنتخب الوطني، قائلا: "محمد صلاح بيمشي كلمته على كيروش، واللي وصل له محمد صلاح من خبرات زي ميسى ورونالدو يتأخد رأيه وبيفرضوا لاعبين".
وأضاف رضا عبدالعال، في تصريحات تلفزيونية، أن من حق محمد صلاح التدخل في تشكيل المنتخب لأنه وصل لمرحلة أنه يحق له التدخل في التشكيل، مؤكدا أن محمد صلاح أقوى من الجهاز المعاون لكيروش، متابعا: "كيروش تراجع عن أخطاء مباراة نيجيريا في إفريقيا بعد كلام محمد صلاح معه".
واستكمل: "لو لاحظنا في ماتش كوت ديفوار محمد صلاح هو اللى اتكلم وحدد اللاعبين اللي يشوطوا ضربات الجزاء، وفى لاعبين محترفين خافوا يشوطوا، وصلاح حط نفسه الركلة الخامسة عشان لو ضاعت هو اللي يشيل الليلة، والمفروض يتعمل له تمثال".
تابعوا آخر أهل مصر على Google News
