تحدث الإعلامي أحمد شوبير عن هتافات جماهير الأهلي ضد رمضان صبحي، في المباراة التي جمعت المارد الأحمر وبيراميدز، والتي انتهت بفوز الأهلي بثلاثية نظيفة، في المباراة المؤجلة بينهما من الجولة الثامنة من عمر مسابقة الدوري المصري.
وقال شوبير في برنامجه الإذاعي عبر أون سبورت إف إم: طلبت من المراسلين فى الملعب يقولولى تصرفات الرباعى شريف إكرامى ورمضان صبحى وعبد الله السعيد وأحمد فتحى تجاه هتافات جماهير الأهلى.
مستوى عبد الله تراجع
وأضاف: 'جمهور الأهلى لم يتلفظ بألفاظ خارجة ومحدش يقدر يمسك عليه غلطة، هما هتفوا عن الطموح والفلوس وكلام عادى، المراسلين قالولى إن شريف إكرامى أشار لجمهور الاهلى أنهم على رأسه عقب الهتاف فقررت جماهير الأهلى التوقف عن الهتاف، بينما لم يتأثر عبد الله السعيد'.
وأضاف: 'اللى بيقول إن مستوى عبد الله تراجع بقولهم عبد الله السعيد لعب كويس باستثناء غلطة الهدف الأول، وليه كورة فى العارضة بس هو مستواه مبقاش مثلا زى الموسم اللى فات واللى قبله والمستوى عالطول فى النازل وده طبيعى عشان السن'.
وتابع شوبير 'أحمد فتحى حرص على الذهاب إلى دكة الأهلى وصافح زملاءه السابقين وكذلك سيد عبد الحفيظ، بينما رمضان صبحى ظهر عصبياً أكثر من اللازم، ولازم رمضان يحط قطن فى ودنه عشان يرجع يركز عشان مستواه أقل ومبقاش أساسى فى المنتخب، وأهدافه قلت وصناعته للأهداف قلت ولازم يركز ويستعيد مستواه لازم يفكر فى نفسه ويعرف يرجعها تانى'.
الفوز على صن دوانز
وأكمل: ' نصيحتى لمحمد شريف بقوله أتدرب على ركلات الجزاء هى اللى نقصاك عشان إنت سجلت أربع أهداف فى الدورى وهتسجل كتير وهتنافس على لقب هداف الدورى اللى فوزت بيه الموسم اللى فات، وهتحتاج تسجل ركلات الجزاء عشان ترفع رصيدك من الأهداف'.
وعن الأهلى علق شوبير: 'موسيمانى رايح جنوب إفريقيا عشان يرجع بالفوز على صن دوانز أو على أقصى تقدير التعادل لضمان التأهل للدور التالى، ومش هيعمل تغيير فى التشكيل إلا لو تأكد غياب محمد هانى وقتها ممكن يزود المدافعين'.
يستعد فريق الأهلى لمواجهة صن دوانز فى اللقاء المقرر له الثالثة عصر السبت المقبل بالجولة الرابعة لدور المجموعات بدورى الأبطال الأفريقى.
تابعوا آخر أهل مصر على Google News
