تراجع مرتضي منصور رئيس نادي الزمالك، عن الإستقالة بشكل مؤقت من رئاسة القلعة البيضاء، كما وجه الشكر لجميع أعضاء مجلس إدارة القلعة البيضاء، وذلك بعد تضامنهم معه في حالة استقالته من رئاسة الفارس الأبيض، بالإضافة لمهاجمة مجلس إدارة النادي الأهلي وطالب بفرض عقوبات على الجماهير التي كانت حاضرة مباراة بيراميدز.
وقال مرتضي منصور في تصريحات على قناته الرسمية على يوتيوب: 'بشكر أعضاء مجلس إدارة الزمالك اللي كانوا عايزين يقدموا استقالة جماعية تضامناً معايا بس الدولة قالتلي هتاخد حقك من الصغير والكبير.. احنا هناخد حقنا ومفيش حد فوق القانون في البلد'.
وأضاف: 'العيال اللي بتطلع في المدرجات تقل أدبها على أسيادها متخططلها تعمل ده ما أعتقدش البلد هتسيب اللي حصل في المدرجات ده هيعدي'.
وتابع: مش ده شريف إكرامي ابن وحش أفريقيا اللي فرح الأهلي؟ هو وأحمد فتحي الباك التاريخي للأهلي؟ مش ده رمضان صبحي التاريخي للأهلي؟ اتشتموا واتهانوا ليه؟ هو شغل بلطجة؟ ما اعتقدش جماهير الأهلي الكبيرة تقبل إن دول يمثلوهم.. فين الكابتن اللي مسمى نفسه الأسطورة.
ووجه رئيس الزمالك رسالة لوزير الرياضة قائلًا: 'بقول لوزير الشباب والرياضة الجمهور اللي حضر ماتش الأهلي وبيراميدز أكثر من 5000 مشجع.. اشمعني بتدخلوا 5000 من الجمهور ضده والناحية الثانية 200 300 بالعافية بيدخلوا'.
وبخصوص مبارايات الزمالك في إفريقيا قال: طائرة خاصة للبعثة الفريق إلى أنجولا، وأمير مرتضي نجح في عزل الفريق عن كل شيء، وطالب 'مرتضي' وزير الدخلية بزيادة أعداد جماهير الزمالك أمام الوداد قائلًا: 'أناشد وزير الداخلية يعدل قراره بخصوص حضور الجماهير في ماتش الوداد.. أحنا عايزين 25 ألف متفرج.. 5000 دول دخلوا ماتش في الدوري بين الأهلي وبيراميدز'.
وعن التجديد للاعبين قال منصور: 'بعد ماتشات أفريقيا مع الزمالك هنعمل جلسة مع اللاعيبة عشان التجديد .. أنا هعرض 10 قروش اللاعب هيطلب 20 هقوله شكراً وأقول لجمهور الزمالك أهو باع ناديك بس هنكرمه في الآخر .. مش هنعمل زي اللي حصل من الجمهور وشتيمة رمضان وفتحي والسعيد وإكرامي'.
توافد أعضاء مجلس إدارة نادي الزمالك، على منزل المستشار مرتضى منصور، رئيس نادي الزمالك، للاجتماع بشأن بعض الأمور العاجلة.
وكتب المستشار مرتضى منصور، على صفحته الرسمية على موقع التواصل الاجتماعي فيسبوك «استقبل المستشار مرتضى منصور في منزله السادة أعضاء مجلس إدارة النادي بالكامل، والاجتماع مازال ساريًا وسيذاع بيان للمستشار مرتضى منصور بالصوت والصورة عقب انتهاء الاجتماع».
كان المستشار مرتضى منصور قد أعلن أنه سيمتنع عن الحضور إلى مقر النادي عقب مباراة الوداد المغربي، وأعلن أعضاء مجلس الإدارة تضامنهم الكامل معه.
تابعوا آخر أهل مصر على Google News
