مرتضى منصور عن شائعة حبسه: متحجزش عليا .. والخطيب مش فوق القانون (فيديو)

أعرب مرتضى منصور رئيس نادي الزمالك عن غضبه الشديد من الشائعات التي تتردد عنه في الفترة الأخيرة، وعن الحجز عليه في محكمة العجوزة.

وقال مرتضى في فيديو عبر اليوتيوب:' مرتضى منصور مواطن مش فوق القانون، وكنت عامل فيديو وأنا غاضب، ولكن أصدقائق في النادي قالولي بلاش تنزله فغيرته'.

وتابع رئيس الزمالك:' مش هينفع الكلام اللي بيحصل معايا، كل يوم ألاقي 18 قضية من الخطيب و17 من العتال وغيرهم، وما يفرقش معايا العدد، ولكن يفرق معايا هو القضايا دي صح ولا لا'.

وأكمل مرتضي منصور:' أنا ممكن أعمل مؤتمر صحفي، وأعرض فيه حقيقة القضايا دي، وهحرج الجميع، واللي بيحصل زايد عن حده.. أنا بحضر في المحكمة وباخد قضايا، لأن مافيش قضايا أصلا'.

وأردف مرتضى:' أنا ما قولتش أني فوق القانون ولا الخطيب فوق القانون، وأنا مش فاضي عندنا تجديد عقود لاعبين وملف المقر الثاني للنادي، والدولة بتساعدوني'.

ووجه رساله للخطيب قائلا:' أنا عاوز محمود الخطيب يتعامل زي ما أنا بتعامل بس هو اللي بطلبه، وليه بتستفذوا جماهير الزمالك، وعندما تولينا مسؤولية مجلس الإدارة وجهنا تهنئة لمحمود الخطيب، أنا مش فوق القانون لكن غيري لا يكون فوق القانون'.

وتابع رئيس الزمالك:'قمنا بإنشاء صالة الشهيد أحمد منسي وكرمنا الشهيد شريف محمد عمر والشهيد إسلام مشهور وأنا أقول لمحمود الخطيب هذا ما يفعله رئيس الزمالك لتكريم الشهداء ولا أنشغل بالقضايا المرفوعة ضدي'.