أحمد عمر: صعود حرس الحدود كان صعبًا وهذه حقيقة الاستغناء عن اللاعبين

تحدث أحمد عمر حارس نادي حرس الحدود، الصاعد حديثاُ للدوري الممتاز، عن أسرار الصعود من الدرجة الثانية.

وقال أحمد عمر: "الحمد لله على النعمى الي ربنا أنعم علينا بيها، بفضله علينا وبفضل ناس كتير ساندتنا الحمد لله، وبشكر عمال الملابس والإدارة والجهاز الفني والإداري والطبي واللاعيبه الرجاله جدا بصراحة".

وأضاف: "المنافسه مع الأوليمبي مكنتش سهلة، خصوصا أن الأوليمبي نادي كبير وتاريخ كبير، ولكن الحمد لله ربنا كلل تعبنا ومجهودنا، باللي احنا فيه دلوقتي".

وتابع: "الإداره طبعا قدمت لينا كل مقومات النجاح والحمد لله زي ما وعدت أوفت، وتخطيطنا للموسم الجديد أكيد اللعيبه كلها تتمنى أنها تبقى موجودى بس ده حال الدنيا والكورى كلها متغيرات وده طبيعي بس إن شاء الله اللي هيكمل ربنا يكرمه واللي مش هيكون ليه نصيب ربنا هيكرمه برضو".

ويشارك حرس الحدود في الدوري المصري الممتاز الموسم المقبل، بعد صعوده كمتصدر لمجموعة بحري في دوري الدرجة الثانية.