دعم أحمد حسام ميدو، روي فيتوريا المدير الفني لمنتخب مصر الوطني، مشددا على أن عدم تركيزه على محمد صلاح نجم ليفربول بمفرده يوضح ذكاء المدرب.
قال ميدو في تصريحاته عبر برنامج الريمونتادا على قناة المحور: "طبيعي المدرب اللي جاي يدرب منتخب مصر يبقى عنده تخوف، وبقول إن مهمة المدير الفني لمنتخب مصر مش سهلة، في ظل الإجهاد الواضح على كل اللاعبين"
أضاف: "مهمة فيتوريا محتاجة ذكاء، محتاجة لاعيبة جديدة معندهمش إجهاد طوال الفترة اللي فاتت، على الأقل 4 أو 5 مع اللاعيبة اللي متواجدة بشكل دائم مع منتخب مصر"
وواصل: "الخبرات مهمة، ولكن الوضع اللي احنا فيه محتاجين لاعيبة عندها طاقة وعندها استعداد إنها تتعلم"
وختم حديثه قائلا: "حازم إمام واضح وصريح وروي فيتوريا أُعجب بذلك ومثل هؤلاء المدربين الكبار، يحبون الوضوح، وفيتوريا اطمن من فكرة عقده الممتد إلى 4 سنوات وشعر أن هناك مشروع وخطة واضحة، محمد صلاح لاعب كبير ولكن لو المدرب أظهر للإعلام إن محمد صلاح أهم من أي لاعب يبقى دخل الباب بظهره، لذلك فيتوريا كان ذكيا، كل لما يتسأل عن صلاح يقول إنه لاعب كبير طبعا لكن برضو بيدخل اللاعيبة التانية في نفس الجملة، لأنه عارف إن قوتنا في المجموعة"
تابعوا آخر أهل مصر على Google News
