يعد صالح جمعة لاعب الفريق الأول بنادي سيراميكا كليوباترا، أحد أهم اللاعبين الذين يسعى نادي الزمالك لضمهم، خلال سوق الانتقالات الصيفية الجارِ، حيث كان اهتمام من قبل القلعة البيضاء، لضمه بعد رحيله عن النادي الأهلي ولكنه فضل الانتقال إلى النادي الصاعد حديثًا للدوري.
وأكد صالح جمعة، لاعب الأهلي السابق وسيراميكا كليوباترا الحالي، أن الزمالك دخل في مفاوضات معه عن طريق شقيقه عبد الله جمعة وكذلك بعض الوكلاء.
وقال جمعة، في تصريحاته عبر برنامج الريمونتادا على قناة المحور: "سيراميكا نادي محترم جدا، والإدارة محترمة والناس بتعاملنا بشكل ممتاز وأحمد سامي على المستوى الشخصي يتعامل معنا بشكل رائع وبيحل مشاكل اللاعيبة".
وأضاف جمعة،: "أحسن 5 سنين ونص في الملاعب بالنسبة لي لما كنت في النادي الأهلي، وكان في مدربين في الأهلي علاقتي بيهم كويسة جدا، وفي مدربين اتعاملوا معايا بشكل مختلف وطلعوا أحسن حاجة في صالح وفي مدربين العكس عشان كدة مكانش في بينا تفاهم".
وواصل: "لحد انهاردة بتابع النادي الأهلي وأمنيتي لحد انهاردة إني أرجع النادي الأهلي، العلاقة فعلا كانت متوترة بيني وبين فايلر فوجئت من ساعة قدومه حتى في التقسيمات بيخرجني، وسيد عبد الحفيظ اتكلم معاه وقاله قرب من صالح وكان أسلوبه معايا صعب شوية، وفضلت 6 شهور في الجيم تحت قيادته، والناس في الأهلي وقفت جنبي وكان ليا فلوس وسبتها ولما اتكلمت مع سيد عبد الحفيظ قولتله أنا عايز أمشي خالص وقالي اللي انت عايزه احنا هنعملهولك".
وعن أفضل لاعب في مصر حاليا: "أحمد سيد زيزو معجب جدا بأدائه صراحة، وكان في كلام مع الزمالك عن طريق عبد الله جمعة أخويا وعن طريق وكلاء بيتكلموا مع الزمالك لكن أنا فاضلي سنتين في سيراميكا بعمل اللي عليا ومنتظر نهاية الموسم أشوف الدنيا فيها ايه، وهوافق طبعا لو جالي عرض رسمي من الزمالك، فهو نادي كبير وجماهيرية كبيرة وإدارة كبيرة الزمالك شرف لأي حد".
تابعوا آخر أهل مصر على Google News
